تەننيستەن جاسوسپىرىمدەر قۇراماسى تۇڭعىش رەت الەم چەمپيوناتىنا جولداما الدى (ۆيدەو)

تەننيستەن قازاقستان قۇراماسى 16 جاسقا دەيىنگىلەر اراسىندا ازيا — تىنىق مۇحيتى ايماعى بويىنشا شىمكەنت قالاسىندا ءوتىپ جاتقان الەم چەمپيوناتىنىڭ ىرىكتەۋ ءتۋرنيرىنىڭ فينالىنا شىعىپ، العاش رەت الەمدىك دوداعا جولداما الدى.

قازاقستان تەننيسشىلەرى الەمنىڭ ۇزدىك كوماندالارىنىڭ ءبىرى، «بيللي دجين كينگ» كۋبوگىن بەس رەت جەڭىپ العان اۆستراليا قۇراماسىن 2:0 ەسەبىمەن ۇتتى.

كوماندالاردىڭ ءبىرىنشى كەزدەسۋىندە اريناوا گوگۋلينا جاسىل قۇرلىقتىڭ وكىلى اننا ءسۋباسيچتى 7:5، 3:6، 7:5 ەسەبىمەن جەڭسە، پولينا سلەپتسوۆا اۆستراليا جاساعىنىڭ ليدەرى تاحليا كوككينيستەن 7:5، 6:4 ەسەبىمەن باسىم ءتۇستى.

ەندى بيىل كۇزدە ەلىمىزدىڭ جاسوسپىرىمدەر قۇراماسى تۇڭعىش رەت Juniors Billie Jean King الەم چەمپيوناتىنا قاتىسادى. الەمدىك دودادا 16 ەلدىڭ وكىلدەرى كۇش سىناسادى.

ەرتەڭ قازاقستان قۇراماسى 16 جاسقا دەيىنگىلەر اراسىندا ازيا — تىنىق مۇحيتى ايماعى بويىنشا شىمكەنت قالاسىندا ءوتىپ جاتقان الەم چەمپيوناتىنىڭ ىرىكتەۋ ءتۋرنيرىنىڭ فينالىندا جاپونيا مەن وڭتۇستىك كورەيا اراسىنداعى ويىندا جەڭگەن كوماندامەن كەزدەسەدى.

داستان كەنجالين،

استانا

 

View this post on Instagram

 

A post shared by Kazakhstan Tennis Federation • Astana Open (@ktf.kz)