Mende bári qazaqsha. Men qysylyp, qorqyp júretin quldyq sanada emespin! – Jánibek Álimhanuly

Boksshy Jánibek Álimhanuly áleýmettik jelide oqyrmannyń memlekettik tilge qatysty suraqtaryna jaýap berdi. Oqyrmannyń biri boksshynyń shetelde ne sebepti ana tilinde ǵana sóıletinin, suraqtarǵa nege qazaq tilinde ǵana jaýap beretinin suraǵanda Jánibek Álimhanuly qaı jerde júrse de memlekettik tilge qurmet kórsetenin aıtty.

Mende bári qazaqsha. Meniń tilimdi, meniń únimdi álem estisin! Men eli úshin janyn bergen batyrlardyń, ultynyń erteńine alańdaǵan Alashtyqtardyń urpaǵymyn. Allaǵa shúkir!

Men álem aldynda qazaqsha sóıleýden, iri sóıleýdiń eshqashan qysylmaımyn. Meniń qanymda men uıalatyn nárse joq! Men qysylyp, qorqyp, jaltaqtap júretin quldyq sanada emespin! Sebebi, men qazaqpyn. Meniń ómirimniń stıli — QAZAQ STYLE! Jeńisti kúnde júzdeseıik, Qazaq eli!, — dedi ol.

Eske sala ketsek, 14 mamyrda orta salmaqta WBO chempıony Jánibek Álimhanuly kanadalyq Stıven Batlermen qolǵap túıistiredi. Olar jaqynda jekpe-jek aldynda kóz arbasty. Osy jerde de ol qazaqsha sóılep, chempıondyq ataqty qorǵaı bermeı, tıtýldardy jeńip alǵysy keletinin aıtty.

Boksshylar resmı baspasóz máslıhatyn da ótkizdi.

Endi 14 mamyrda boksshylar AQSh-tyń Kalıfornııa shtatyndaǵy Sktokton qalasynda jekpe-jekke shyǵady.

Bul kezdesý 12 raýndqa eseptelgen. Jánibek Álimhanuly chempıon ataǵyn ekinshi ret qorǵaıdy.

Dastan KENJALIN,

ASTANA

 

View this post on Instagram

 

A post shared by JANIBEK | QAZAQ STYLE (@janibek_alimkhanuly)