اسىلانبەك شىمبەرگەنوۆ – بوكستان الەم چەمپيونى! (ۆيدەو)

تاشكەنتتە بۇگىن مارەگە جەتىپ جاتقان بوكستان الەم چەمپيوناتىندا قازاقستاندىق اسلانبەك شىمبەرگەنوۆ 71 كەلىگە دەيىنگى سالماقتا الەم چەمپيونى اتاندى. بۇل تۋرالى rast.kz حابارلادى.

ءبىزدىڭ كوماندا كاپيتانى وزبەك سايدجامشيد جافاروۆپەن التىن مەدال ءۇشىن شايقاستى. ول ءبىرىنشى راۋندتى 5:0 ەتىپ ءوز پايداسىنا شەشە ءبىلدى. كەلەسى راۋندتا ەسەپ 4:1 بولىپ شىقتى. ال سوڭعى راۋندتا وسى باسىمدىقتى اتتىرا ءبىلدى. ءسويتىپ، قارسىلاسىن 5:0 ەتىپ تىزە بۇكتىردى.

چەمپيوناتتاعى العاشقى جەكپە-جەگىن 6 مامىر كۇنى 1/16 فينالدىق كەزەڭدە ترينيداد جانە توباگو وكىلى اارون پرينسپەن وتكىزگەن اسلانبەك ايقىن باسىمدىقپەن جەڭدى.

ال 9 مامىردا 1/8 فينالدا يزرايلدىك ميروسلاۆ كارۋلەرمەن جۇدىرىقتاسىپ، ونى ءۇشىنشى راۋندتا نوكداۋنعا ءتۇسىردى. ناتيجەسىندە 5:0 ەتىپ ۇتتى.

مامىردىڭ 10-ىندا وينالعان شيرەك فينالدا اسلانبەك فرانتسيالىق ماكان تراورەنى 5:0 ەتىپ ۇتتى. ول ۇرىستىڭ ءبىرىنشى جانە ەكىنشى راۋندتارىندا قارسىلاسىن ەكى رەت نوكداۋنعا ءتۇسىردى.

بۇدان كەيىن 12 مامىردا وتكەن جارتىلاي فينالدا ءۇندىستاندى نيشانت دەۆتى ۇلكەن تارتىس ۇستىندە ءسۇرىندىردى.

كەزەكتى التىن مەدال قۇتتى بولسىن، اعايىن!

 

View this post on Instagram

 

A post shared by Kazakhstan Boxing Federation (@boxingkazakhstan)