«Qaırat» FK-nyń jartylaı qorǵaýshysy jansaqtaý bóliminde jatyr

Almatynyń «Qaırat» fýtbol klýbynyń jartylaı qorǵaýshysy Arsen Býranchıev Qazaqstan premer-lıgasy matchynda «Aqtóbemen» bolǵan oıynda aýyr jaraqat alyp qaldy.

Bul jaıt Qazaqstan premer-lıgasy matchynyń 9-kezeńinde bolǵan. Býranchıev «Aqtóbe» fýtbol klýbynyń shabýyldaýshysy Elder Santanamen soqtyǵysyp, esinen tanyp qalǵan. Qazir oǵan ota jasaldy.

Arsen Býranchıevke ota jasaldy. Bizdiń oıynshy dop úshin talasta aýyr jaraqat alyp, shuǵyl aýrýhanaǵa jetkizildi. Qazir Arsen jansaqtaý bóliminde jatyr. Onyń jaǵdaıy asa aýyr dep baǵalanyp otyr. Fýtbolshy dárigerlerdiń qatań baqylaýynda, – delingen almatylyq klýbtyń málimdemesinde.

Oıyn aıaqtalǵannan keıin «Qaırattyń» bapkeri Kırıll Keker bul jeńistiń jaraqat alǵan oıynshyǵa arnalatynyn aıtty.

Erkeǵalı BEISENOV,

ASTANA