Arbada otyryp bıleýden álem chempıony Malıka Muhtarova ómirden ótti

Elimizge tanymal sportshy, para sport boıynsha otandyq, halyqaralyq, álemdik týrnırler men chempıonattardyń birneshe dúrkin jeńimpazy, halyqaralyq sport sheberi, álem chempıony, Qazaqstannyń ınklıýzııa teatr keńistigindegi shoqtyǵy bıik akrtısa Malıka Muhtarova 23 jasynda dúnıe saldy, dep habarlady halyq-uni.kz.

Malıka týraly qaraly habardy Astana ákimdigine qarasty Mýzykalyq jas kórermen teatrynyń dırektory Ashat Maemırov jetkizdi.

Málıka Muhtarova 2000 jyly 21 naýryzda Qostanaı oblysyndaǵy Meńdiqara aýdanynda dúnıege keldi. Qostanaı qalasyndaǵy Gafý Qaıyrbekov atyndaǵy №9 orta mektepti támámdady. Qostanaı memlekettik pedagogıkalyq ýnıversıtetin aıaqtady.

Para sporttan halyqaralyq dárejedegi sport sheberi. Arbaǵa otyryp sporttyq bı bıleýden Respýblıkalyq, halyqaralyq, álemdik týrnırler men chempıonattardyń jeńimpazy.

Malıkany Qazaqstannyń erekshe jandar teatr áleminde aktrısa retinde tanytqan beınesi Roza Muqanovanyń «Máńgilik bala beıne» (Qyzjylaǵan) dramasyndaǵy Láıla roli.

«Máńgilik bala beıne» dramasy — táýelsizdik jyldaryndaǵy qazaq dramatýrgııasyndaǵy shoqtyǵy bıik týyndy.