Әсем Орынбай мен Эдуард Ещенко Әлем кубогының күміс жүлдегері атанды

Бүгін Алматыда Әсем Орынбай мен Эдуард Ещенко стенд атудан өтіп жатқан Әлем кубогы кезеңінің күміс жүлдегері атанды.

Мәдениет және спорт министрлігі Спортты дамыту дирекциясының хабарлауынша, скит бағдарламасында аралас жұптық сында Қазақстан спортшылары Италияның екінші құрамасына жол берді. Бұл жарыста Таммаро Кассандро мен Кьяра Кайнеро (Олимпиада чемпионы және күміс жүлдегері) сынға түсті. Ал қола медаль Италияның бірінші құрамасына бұйырды.

Еске сала кетсек, Әсем Орынбай мен Эдуард Ещенко жұбы былтыр Хорватияда өткен әлем чемпионатында аралас жұптық сында қола медаль жеңіп алған.

Шамкен БАЙЫРБЕК,

АСТАНА