Aqtaýda jazǵy Ýnıversıada oıyndary jalaýyn kóterdi (FOTO)

Qazir sport súıer qaýym men stýdent jastardyń nazary – Mańǵystaý oblysynda. О́ıtkeni, Aqtaý qalasynda buryn-sońdy bolmaǵan sport básekesi bolyp jatyr. Ǵylym jáne joǵary bilim mınıstrliginiń qoldaýymen, Yessenov University uıymdastyrýymen 24 mamyr men 24 maýsym aralyǵynda joǵary oqý oryndarynyń stýdentteri arasyndaǵy HII jazǵy Ýnıversıada oıyndary ótedi.

Ýnıversıada – mártebesi jaǵynan Olımpııalyq oıyndardan keıingi ekinshi oryndaǵy sporttyq saıys. Biraq buǵan deıin ár jyldary ár óńir men ár joǵary oqý orny birlesip ótkizip kelgen Ýnıversıadany bul joly Yessenov University jeke uıymdastyryp otyr. Sol úshin de qatysýshylarymyz osy Ýnıversıadany olımpıadalyq deńgeıde ótip jatyr dep rızashylyqpen baǵalady.

Taǵy bir ereksheligimiz – aldyńǵy Ýnıversıada baǵdarlamalarynda 30-dan asa sport túri bolsa, qazirgi tańda olar 17-ge deıin yqshamdalyp, eń negizgi sport túrleri ǵana tańdap alyndy. Bul degenimiz, sannan sapaǵa kóshý. Iaǵnı, ýnıversıtetterdegi sportshylardyń kóp aınalysatyn sport túrleriniń beıinine qaraı, Ulttyq ǵylymı-praktıkalyq dene tárbıesi ortalyǵymen birlese otyryp, Dúnıejúzilik Ýnıversıadanyń baǵdarlamasyna basymdyq berdik. Bizdiń XII Jazǵy Ýnıversıadamyzdyń jeńimpazdary aldaǵy tamyz aıynda Qytaıdyń Chendý qalasynda ótetin XXXII Dúnıejúzilik Ýnıversıadaǵa joldama alady. Tipti, osy oıyndarda jarqyrap shyqqan jas juldyzdar 2024 jylǵy Parıj Olımpıadasyna da qatysady dep úmittenemiz.

Jalpy, Olımpıada, jazǵy nemese qysqy Ýnıversıada oıyndaryn ótkizý – uıymdastyrýshy tarap úshin tek maqtanysh pen báseke ǵana emes, tárbıe men tájirıbe dep esepteımiz. О́ıtkeni, mundaı aýqymdaǵy baıraqty básekeler ótken jerlerde balalar men jasóspirimderdiń qyzyǵýshylyǵy artyp, olar da sportqa beıim bolyp ósedi. Salamatty ómir salty nasıhattalyp, dene shynyqtyrý mádenıeti men buqaralyq sportqa suranys artady. Sondyqtan bolashaǵyn oılaǵan el, bolashaǵyn oılaǵan aımaq shyǵyny men áýresine qaramastan osy baǵyttaǵy ıgi isterden aıanbaıdy.

Qazaqstan 2017 jyly Almaty qalasynda XXVIII Dúnıejúzilik qysqy Ýnıversıada oıyndaryn joǵary dárejede ótkizdi. Bul jaǵynan elimiz biraz tájirıbe jınady. Endi bolashaqta Dúnıejúzilik jazǵy Ýnıversıada oıyndaryn ótkizýge de yntalymyz.

Buqaralyq jáne kásibı sportty árqashan qoldaıtyn prezıdentimiz Qasym-Jomart Toqaev Túrki memleketteriniń bilim jáne ǵylym salasyndaǵy yntymaqtastyǵyn nyǵaıtý maqsatynda II Túrki ýnıversıadasyn uıymdastyrý týraly usynysyn aıtty. Bul bastama aldaǵy Dúnıejúzilik jazǵy Ýnıversıadanyń alǵashqy qadamdary bolary sózsiz. Aıtpaqshy, bizdiń Aqtaý Ýnıversıadasynyń úzdikteri Túrkistan shaharynda ótetin II Túrki Ýnıversıadasyna da qatysa alady.

Esenov ýnıversıteti buǵan deıin ár jylǵy saıystarǵa stýdentterin belsendi qatystyra júrip, ózimiz de ýnıversıada alaýy men jalaýyn alýǵa ábden daıyndaldyq. 2021 jyly Kıeli Túrkistannan qasıetti Mańǵystaýǵa jetken kezekpen uly isti bastap kettik.

Ýnıversıadaǵa elimizdegi eń irgeli 55 ýnıversıtettiń 3000-nan astam stýdenti qatysyp jatyr. Jarys kestesi boıynsha alǵashqy oıyndardy ústel tennısi men júzý bastap berdi.

BAQ ókilderi úshin Yessenov University Sport kesheninde arnaıy aqparat alańyn jasaqtap qoıdyq. XII jazǵy Ýnıversıadanyń barlyq jańalyqtary baspasóz brıfınginde kúnara jarııalanyp turady. Sondaı-aq universiade.yu.edu.kz resmı saıtyn ashyp qoıdyq.

Mańǵystaý oblysynyń 50 jyldyǵy, Aqtaý qalasynyń 60 jyldyǵy aıasynda, Ýnıversıadany joǵary deńgeıde ótkizýge oblys jáne qala ákimdikteri de aıryqsha atsalysyp jatyr. Atap aıtqanda, júzý, voleıbol, taekvando, shahmat, toǵyz qumalaq oıyndary – Esenov ýnıversıtetinde, ózimizdiń sport keshenimizde ótedi.

Al ústel tennısi – Tennıs ortalyǵynda; erkin kúres, dzıýdo, grek-rım, qazaq kúresi, áıelder kúresi, jeńil atletıka jarysy – «Mańǵystaý-Arena» sport kesheninde; basketbol, fýtzal, boks – «Halyq-Arena» sport saraıynda; voleıbol – «Batyr» sport kesheninde; badmınton – «Jas qanat» sport kesheninde; karate – «Volna» sport kesheninde ótedi.

Ýnıversıadanyń ashylý saltanaty 5 maýsym kúni, jabylýy 22 maýsym kúni «Mańǵystaý-Arena» sport kesheninde josparlanǵan. Oǵan qatysýshy qonaqtar arnaıy daıyndalǵan shoý baǵdarlamany tamashalaıdy.

Bilimdi, tárbıeli ári deni saý urpaq – ulttyń eń qymbat baılyǵy. Bilim alýshylar oqýmen qatar, óner úırenip, sportpen shuǵyldanyp, jan-jaqty jetilýine qolaıly jaǵdaı jasaý – ýnıversıtettiń basty maqsaty.

Ýnıversıada qarsańynda biz oqý ornymyzdyń bas korpýsynyń janynan 1500 oryndyq Stadıon qurylysyn salýdy bastadyq. Sport nysanynyń jer kólemi – 0,2375 ga. Jer ýchaskesiniń aýdany – 0,24 ga, ǵımarattyń qurylys alańy – 853,13 m2.

Jańa stadıon qurylysy bitken soń basqa da sport saıystaryn jıi ótkizip turýdy josparlap, tájirıbe jınap jatyrmyz.

 

Berik AHMETOV,

Yessenov University prezıdenti

Mańǵystaý oblysy,

Aqtaý qalasy