Benzema «Realmen» qoshtasady

Ispanııanyń «Real» (Madrıd) klýbynyń shabýylshysy Karım Benzemanyń komandamen qoshtasatyny habarlandy. Buǵan deıin ol «Realda» taǵy bir maýsymǵa qalatynyn aıtqan edi. Biraq klýbtan ketetini týraly sońǵy sheshim shyqty.

Ol «Real» sapyndaǵy sońǵy matchyn La Lıganyń 38-týrynda Bılbaonyń «Atletık» komandasyna qarsy ótkizdi. Osy oıynda shabýylshy penaltıden gol salyp, esepti teńestirdi. Osydan keıin klýbtyń basshylyǵy oıynshymen resmı túrde qoshtasý rásimi 6 maýsymǵa josparlanǵanyn habarlady.

Karım Benzema Madrıdtiń «Realynda» 14 jyl oınap, 25 túrli týrnırler men jarystardyń júldesin jeńip aldy. Málimetke súıensek, endi ol Saýd Arabııasynyń chempıonatynda oınaýy múmkin. Oǵan Arab túbeginiń «Ál-Ittıhad» klýby 2 jylǵa kelisimshart usynyp, 200 mln eýro sanap beremiz dep otyr. Bul usynysqa Benzema áli jaýap bergen joq.

Eske sala ketsek, Benzema byltyr jeltoqsan aıynda Franııa ulttyq qurama komandasymen qoshtasqan bolatyn. Byltyr ol álemniń úzdik oıynshysyna beriletin «Altyn doptyń» ıegeri atandy. Shabýylshy Katardaǵy álem chempıonatyna jaraqaty saldarynan bara almaı qalǵan edi. Alaıda jarasy jazylǵannan keıin ol mýndıaldiń sheshýshi oıyndaryna shaqyrtý almady. Osy úshin Benzema quramanyń bas jattyqtyrýshysy Dıde Deshamǵa renjigen degen pikir bar.

Benzema ulttyq qurama sapynda 97 match ótkizip, 37 goldyń avtory atandy. Al «Realda» ol 648 match oınap, 354 gol salyp, 165 nátıjeli pas berdi.

Dastan KENJALIN,

ASTANA

 

View this post on Instagram

 

A post shared by Real Madrid C.F. (@realmadrid)