قوش، باپكەر!

(قازبەك يبراشەۆ سول جاقتان ساناعاندا ءبىرىنشى تۇر)

ەلىمىزدىڭ باتىس وڭىرىنەن سۋىت حابار كەلدى. Əسكەري سامبو كۇرەسىنەن اعا جاتتىقتىرۋشى، بىلىكتى باپكەر قازبەك نىعمەت ۇلى يبراشەۆ ماڭگىلىك ساپارعا كەتتى.

قازبەك نىعمەت ۇلى 1972 جىلى باتىس قازاقستان وبلىسى تايپاق اۋدانى تايپاق اۋىلىندا تۋعان.

ول 27 جىل بويى  جاتتىقتىرۋشى بولىپ، تالاي پالۋانداردى دۇرمەكتى دودالارعا دايىندادى. ونىڭ قول استىندا جاتتىققان سپورتشىلار ازيا جانە الەم چەمپيوندارى بولدى. ال جاقىندا رەسەيدىڭ سوچي قالاسىندا سامبودان وتكەن الەم چەمپيوناتىندا ونىڭ شاكىرتتەرى تەرمىرلان ىقسانعاليەۆ پەن بوتاقان رايىمقۇلوۆ قولا مەدال يەلەندى.

وسى اۋىر قازاعا بايلانىستى  ەلىمىزدىڭ سامبو فەدەراتسياسى، مارقۇمنىڭ بارلىق ارىپتەستەرى مەن شاكىرتتەرى قازبەك نىعمەت ۇلىنىڭ وتباسىنا قايعىرىپ كوڭىل ايتادى. www.sportpress.kz اقپاراتتىق-ساراپتامالىق سپورت سايتىنىڭ رەداكتسياسى دا مارقۇمنىڭ وتباسىمەن، تۋعان-تۋىستارىمەن جانە دوستارىمەن قازاعا ورتاقتاسادى.