Qanat Islam kimderdi tize búktirgisi keletinin aıtty

Ol bul týraly worldboxingnews.net basylymyna bergen suhbatynda aıtyp berdi. «Men «Kanelony», Kottony, Larýdy nemese Pakıaony tize búktirgim keledi. Bul — meniń armanym emes, maqsatym. Bul týraly bokstyń barlyq jankúıeri aıtatyn bolady. Men osy boksshylardyń barlyǵyn qurmetteımin. Sebebi álem boıynsha myńdaǵan boksshynyń ishinde chempıon ataný ońaı emes. Men óz elimniń bedeli úshin jumys isteıtin adamdardy qurmetteımin. Al jankúıerlerime aıtatynym: sizderdi kóp kúttirtpeımin, jaqynda meni álem chempıony tıtýlyna talasqan jekpe-jekte kóresizder. Men sizderdi jerge qaratpaımyn. Bıyl men úshin erekshe jyl bolmaq. Astanada 9 qyrkúıekte EKSPO aıasynda chempıondyq ataǵymdy qorǵaımyn dep josparlap jatyrmyn», — degen suhbatynda. Osyǵan deıin Qanat Islam kelesi jekpe-jegin AQSh-ta mamyr aıynda ótkizetinin aıtqan edi.
Barlyq quqyqtar qorǵalǵan. inform.kz belsendi siltemeni paıdalanyńyz http://www.inform.kz/kz/kanat-islam-kimderdi-tize-buktirgisi-keletinin-aytty_a3018921