US Open: Qazaqstan tennısshisi fınalǵa shyqty

Tennısshi Anna Danılına aralas jupta AQSh ashyq chempıonatynyń fınalyna shyqty.

Ol fınlıandııalyq Harrı Helıovaaramen birge jartylaı fınalda japon tennısshisi Ena Shıbahara men horvat sportshysy Mate Pavıch jubymen kezdesip, qarsylastaryn 7:6 (7:2), 6:4 esebimen utty.

Bul match bir jarym saǵatqa sozyldy.  Kezdesýde qazaqstandyq jup 4 eıspen birge 9 breık-poınttyń úsheýin paıdalandy. Qarsylas dýet 3 eıs, 2 breıkpen (6 breık-poınt) shekteldi.

Endi Danılına men Helıovaara fınalda amerıkalyqtar Djessıka Pegýla – Ostın Kraıchek jubymen bas júldeni sarapqa salady. Sońǵy oıyn 9 qyrkúıekke belgilengen.

Sondaı-aq, tennısshiDenıs Evseev Túrkııanyń Ystanbul qalasynda ótip jatqan jarystyń shırek fınalyna shyqsa,  Tımofeı Skatov Ispanııanyń Sevılıa qalasynda chellendjer týrnırinde Mıhaıl Kýkýshkındi utyp, ¼ fınalǵa joldama aldy.

Jibek Qulambaeva Italııadaǵy týrnırdiń shırek fınalyna shyqty.

Dastan KENJALIN,

ASTANA