SportPress.kz Qazaqstan sport jańalyqtary
Týrızm jáne sport mınıstri Ermek Marjyqpaev Azııa oıyndaryna qatysatyn Qazaqstan quramasynyń jattyqtyrýshylar shtabymen kezdesti. Mınıstr jarys aldyndaǵy sońǵy oqý-jattyǵý jıyndarynyń qorytyndysymen tanysyp, sportshylardyń jalpy daıyndyǵy týraly surastyrdy.
Týrızm jáne sport mınıstrliginiń habarlaýynsha, qurama jattyqtyrýshylary sportshylar jaraqattan aman, fızıkalyq daıyndyqtary myǵym jáne tek joǵary synamaly júlde alýǵa nıetti ekendikterin aıtty. Sondaı-aq Almaty oblysyndaǵy respýblıkalyq olımpıadalyq daıarlyq bazasy úshin alǵys aıtty.
Aldaǵy basty doda — Azııa oıyndary óte mańyzdy jarys. Jaqsy nátıje kórsetip, el úmitin, jankúıerlerdiń senimin aqtaý qajet. Sondaı-aq qurlyq birinshiliginde sporttyń 8 túrinen Olımpıada lıenzııalary sarapqa salyndy. Sizder aýqymdy jumys jasadyńyzdar. Endi júlde alyp, tógilgen ter men úlken eńbektiń jemisin kórýge tilektespin. Osy jarysqa daıyndalý úshin mınıstrlik tarapynan barlyq jaǵdaı jasaldy. Azıada barysynda da táýligine 24 saǵat qoldaý kórsetetin bolamyz. Qandaı da bir suraqtar týyndaǵan jaǵdaıda shuǵyl áreket etý úshin arnaıy shtab jumys isteıtin bolady,- dedi Ermek Marjyqpaev.
Týrızm jáne sport mınıstriniń jattyqtyrýshylarmen kezdesken espýblıkalyq olımpıadalyq daıarlyq bazasy TMD-daǵy eń iri sport keshenderiniń biri sanalady. Munda halyqaralyq standarttarǵa sáıkes, sporttyń 23 túri boıynsha olımpıadalyq rezerv pen ulttyq qurama komandalar daıyndalady.
Týrızm jáne sport mınıstrligi
FOTO: Týrızm jáne sport mınıstrligi
