Теннистен ӘЧ: Қазақстан жасөспірімдер құрамасы алғашқы жеңісіне жетті

Шымкент қаласында теннистен жасөсіпірімдер арасында өтіп жатқан әлем чемпионатында Қазақстан құрамасы алғашқы жеңісіне жетті, деп хабарлады Қазақстан теннис федерациясы.

Asia/Oceania Final Juniors Billie Jean King Cup іріктеу турнирінің алғашқы күні ел құрамасы Вьетнам командасын 3:0 есебімен жеңді.

Алдымен Альбина Кәкенова вьетнамдық Нгуенмен күш сынасты. Отандасымыз одан  6:1, 6:1 есебімен айласын асырды. Содан кейін Ариана Гогулина Вудан 6:1, 6:2 есебімен басым түсті.

Жұптық бәсекеде Альбина Кәкенова мен Ева Корышевамен Ву мен Квангты 6:0, 6:1 жеңді.

Қазір А тобында Қазақстан бірінші, Жапония екінші орында келеді. Қос командада үш ұпайдан бар.

Бүгін Ярослава Шведова жаттықтыратын жасөспрімдер құрамасы Жапония командасына есе жіберген Индонезиямен ойнайды.