SportPress.kz قازاقستان سپورت جاڭالىقتارى
استانادا بوكستان ەرەسەكتەر اراسىندا ءوتىپ جاتقان «ەلوردا كۋبوگى» حالىقارالىق ءتۋرنيردىڭ العاشقى كۇنى شارشى الاڭعا شىققان قازاقستان بوكسشىلارىنىڭ ءبارى جەڭىسكە جەتتى. ولاردىڭ اراسىندا ءبىرىنشى، ەكىنشى جانە ءۇشىنشى ءنومىرلى بولىپ ءوزارا قولعاپ تۇيىستىرگەن وتانداستارىمىز دا بولدى.
ەرلەر اراسىندا كارىم سەركەباەۆ، ماحمۇد سابىرحان، سەرىك تەمىرجانوۆ، نۇرقانات رايىس، ارمات ارمان ۇلى، امان قونىسبەكوۆ، اسلانبەك شىمبەرگەنوۆ، دارحان دۇيسەباي، نۇربەك مۇرسال، قامشىبەك قوڭقاباەۆ قارسىلاستارىن جەڭسە، ايەلدەر اراسىندا ايىم جۇماباي، جازيرا وراقباەۆا مەن دەلفينا ءابىلحان جەڭىسكە جەتتى.
انجەليكا تسويدىڭ جەكپە جەككە شىقپاۋىنا بايلانىستى جەڭىس توميريس مىرزاقۇلعا بەرىلدى. سول سياقتى اياۋلىم بورانباەۆا رينگكە كوتەرىلمەگەن سوڭ دامەتكەن كەلىمبەت كەلەسى اينالىمعا شىقتى.
بەيبىت قازاقباي وزبەكستان وكىلىنەن جەڭىلدى.
داستان كەنجالين،
استانا
