يران ورتالىق ازيا چەمپيونى اتاندى (ۆيدەو)

بيىل فۋتبولدان العاش رەت ۇيىمداستىرىلعان ورتالىق ازيا چەمپيوناتىندا (CAFA Nations Cup) يران قۇراما كومانداسى چەمپيون اتاندى.

ول CAFA Nations Cup ءتۋرنيرىنىڭ فينالىندا وزبەكستان قۇراماسىن 1:0 ەسەبىمەن جەڭىپ، ورتالىق ازيانىڭ تۇڭعىش چەمپيونى اتاعىن جەڭىپ الدى.

چەمپيوناتتىڭ فينالى تاشكەنت قالاسىنداعى «بۋنيودكور» ستاديونىندا بولدى. ماتچتا يراننىڭ شابۋىلشىسى سەردار وزمۋننىڭ 48 مينۋتتا جالعىز گولدىڭ اۆتورى اتاندى.

ءۇشىنشى ورىن ءۇشىن ماتچتا ومان قۇراماسىنىڭ جولى بولدى. ومان ويىنشىلارى قىرعىزستان كومانداسىن دا 1:0 ەسەبىمەن ۇتتى.

بيىلعى دودا ورتالىق ازيا فۋتبول قاۋىمداستىعىنىڭ ۇيىمداستىرۋىمەن تاشكەنت پەن بىشكەك قالالارىندا جالاۋىن جەلبىرەتتى. چەمپيونات وسى قالالاردا 11-20 ماۋسىم ارالىعىندا بولدى.  العاش رەت ۇلتتىق قۇراما كوماندالاردىڭ قاتىسۋىمەن CAFA Nations Cup ءتۋرنيرىن وتكىزەدى.

چەمپيوناتتىڭ جەرەبە تارتۋ ءراسىمى 26 ساۋىردە ءوتتى. سول كەزدە 7 ەلدىڭ ۇلتتىق قۇرامالارى فيفا رەيتينگى بويىنشا 4 سەبەتكە ءبولىندى.  ونىڭ ىشىندە ومان كومانداسى تۋرنير قوناعى رەتىندە شاقىرىلدى.

جەرەبە بويىنشا وزبەكستان، يران، قىرعىزستان، تاجىكستان، تۇركىمەنستان، اۋعانستان مەن ومان ەلىنىڭ فۋتبولشىلارى ەكى توپقا ءبولىنىپ كۇش سىناستى.

ءتۋرنيردىڭ توپتىق كەزەڭى 11، 14، 17 ماۋسىمدا وتسە، فينال مەن ءۇشىنشى ورىن ءۇشىن ماتچ 20 ماۋسىمدا تاشكەنتتە بولدى.

داستان كەنجالين،

استانا