IBA-دان تاعى ءبىر بوكس فەدەراتسياسى شىعىپ كەتتى

فينليانديانىڭ بوكس فەدەراتسياسى IBA (حالىقارالىق بوكس قاۋىمداستىعى) قاتارىنان شىعۋ تۋرالى شەشىم قابىلدادى.

وسى ەلدىڭ بوكس فەدەراتسياسىنىڭ (FBF) اتقارۋشى ديرەكتورى ماركو لاينەنىڭ ايتۋىنشا، فينليانديا World Boxing ۇيىمىنا قوسىلادى.

IBA قىزمەتى رەسەيمەن تىعىز بايلانىستى. ونىڭ باسشىسى رەسەيلىك ۋمار كرەملەۆ دەگەن ازامات. سوندىقتان فينليانديا رەسەيمەن قاتىسى بار بارلىق ۇيىمداردان شىعا بەرەدى.

حالىقارالىق بوكس قاۋىمداستىعى 2019 جىلدان بەرى وليمپيالىق ويىندارعا ىرىكتەۋ ءتۋرنيرىن وتكىزۋگە قۇقىعىنان ايىرىلعان. ال بيىلدان باستان حالىقارالىق وليمپييالىق كوميتەت IBA-نى مۇلدەم مويىندامايتىنىن مالىمدەدى.  وليمپياداعا بوكمسشىلاردى ىرىكتەۋمەن ەندى حوك-تىڭ ءوزى اينالىسادى. ال ءبىز وليمپياداعا قاتىسقىمىز كەلەدى. سوندىقتان World Boxing ۇيىمى ارقىلى تقرتجىلدىقتىڭ جارىسىنا قاتىسۋدى ماقسات ەتىپ وتىرمىز، — دەدى ول.

بيىل World Boxing ۇيىمى قۇرىلعان. ازىرشە ونى حوك-تىڭ ءوزى مويىنداي قويعان جوق. حوك World Boxing ۇيىمىنا قاتىستى شەشىمدى حالىقارالىق بوكس قاۋىمداستىعىنىڭ ءىسىن تەكسەرگەننەن كەيىن قابىلدايدى.

قازىر جاڭادان قۇرىلعان بوكس ۇيىمىنا اۆستراليا، انگليا،   ۇلىبريتانيا، نيدەرلاند، جاڭا زەلانديا، اقش، كانادا، برازيليا، ارگەنتينا، گەرمانيا، گوندۋراس پەن شۆەتسيا ەلدەرىنىڭ بوكس فەدەراتسيالارى مۇشە.

داستان كەنجالين،

استانا