EURO-2024: Qazaqstan quramasynyń naqty tizimi jarııalandy

Qazaqstan ulttyq quramasynyń bas jattyqtyrýshysy Magomed Adıev 2024 jyly ótetin Eýropa chempıonaty aıasynda 17 qarashada San-Marıno komandasymen jáne 20 qarashada Slovenııa quramasymen bolatyn matchtarǵa shaqyrylǵan oıynshylardyń naqty tizimin jarııalady.

Qorytyndy tizimge 27 fýtbolshy endi.

Qaqpashylar: Igor Shakıı («Shahter»), Bekhan Shaızada («Ordabasy»), Danıl Ýstımenko («Qaırat»);

Qorǵaýshylar: Sergeı Malyı, Temirlan Erlanov (ekeýi de – «Ordabasy»), Baǵdat Qaıyrov, Rýslan Valıýllın (ekeýi de – «Tobyl»), Ian Vorogovskıı, Aleksandr Marochkın, Tımýr Dosmaǵambetov (barlyǵy – «Astana»), Marat Bystrov («Ahmat», Reseı), Álibek Qasym («Aqtóbe»), Nuraly Álip («Zenıt», Reseı), Erkin Tapalov («Qyzyljar»), Lev Skvorov («Hımkı», Reseı);

Jartylaı qorǵaýshylar: Ramazan Orazov («Koper», Slovenııa), Maksım Samorodov, Arman Keńesov (ekeýi de – «Aqtóbe»), Aslan Darabaev, Abzal Beısebekov, Islambek Qýat (barlyǵy – «Astana»), Baktıer Zaınýtdınov («Beshıktash», Túrkııa), Aleksandr Zýev (IMT, Serbııa), Islam Chesnokov («Tobyl»);

Shabýylshylar: Abat Aıymbetov («Astana»), Vıacheslav Shvyrev («Qaırat»), Ivan Svırıdov («Shahter»);

Jattyqtyrýshylar shtaby: Magomed Adıev – bas bapker, Evgenıı Kostrýb – bas bapkerdiń kómekshisi, Rýslan Baltıev – bas bapkerdiń kómekshisi, Valerıı Sıtalo – qaqpashylardyń jattyqtyrýshysy, Erlan Ibraım – dene daıarlyǵy jattyqtyrýshysy, Amal Syzdyqov – dene daıarlyǵy jattyqtyrýshysy, Elshad Hınızov – sarapshy bapker.

17 qarashada Qazaqstan men San-Marıno komandalarynyń matchy «Astana Arena» stadıonynda elorda ýaqytymen saǵat 21.00-te bastalady.

Úsh kúnnen keıin ulttyq qurama Slovenııamen oınaıdy. Machttyń bastalýy Astana ýaqytymen saǵat 01.45-ke josparlanyp otyr. Match Lıýblıana qalasyndaǵy «Stojıe» stadıonynda bolady.

Eskerte ketetin bir nárse, keshe Qazaqstan fýtbol federaııasy jartylaı qorǵaýshy Baktıer Zaınýtdınovtyń «Beshıktash» pen «Ystambul Bashakshehır» matchynda alǵan jaraqatyna baılanysty málimdeme jasady. Onda federaııa fýtbolshynyń aldaǵy eki matchta oınaýy áli belgisiz ekenin aıtty.

Baktıer Zaınýtdınovtyń «Beshıktash» pen «Ystambul Bashakshehır» matchynda aýyr jaraqat alyp, ulttyq quramanyń aldaǵy matchtaryna qatysýy eki talaı bolyp tur.

Dárigerlerdiń qorytyndysy shyqpaǵansha Baktıerdiń jaraqaty qanshalyqty aýyr ekenin naqty aıta almaımyz. Jaqyn arada Baqtıerdiń qal-jaǵdaıy týraly habarlaıtyn bolamyz.

Ázirshe Baktıer Zaınýtdınovtyń tezirek saýyǵyp ketkenin tileımiz!, — delingen habarlamada.

Sondyqtan fýtbolshy San-Marıno men Slovenııaǵa qarsy oınamaýy da ábden múmkin.

Dastan KENJALIN,

ASTANA

 

View this post on Instagram

 

A post shared by Kazakhstan national football team (@kff_team)