EURO-2024 jerebesi tartyldy

Fýtboldan 2024 jylǵy Eýropa chempıonatynyń jerebesi tartyldy. Bul chempıonat 2024 jyldyń 14 maýsymy men 14 shildesi aralyǵynda Germanııada ótedi.

Jerebe tartý rásiminde belgili bolǵandaı, qurlyqtyq doda 14 maýsymda Germanııa men Shotlandııa matchymen ashylady. Odan basqa, rásimde ulttyq quramalardyń qaı topqa túskeni anyqtaldy. Bir atap ótetin jaıt, Eýropa chempıonatyna Ulttar lıgasy arqyly shyǵatyn komandalardyń da toptary belgili boldy. Bul komandalar tómende jaqshada kórsetilgen.

A toby: Germanııa, Shotlandııa, Vengrııa, Shveıarııa.

B toby: Ispanııa, Horvatııa, Italııa, Albanııa.

S toby: Slovenııa, Danııa, Serbııa, Anglııa.

D toby: Ulttar lıgasyndaǵy A tobynyń jeńimpazy (Polsha, Estonııa, Ýels, Fınlıandııa), Nıderland, Avstrııa, Franııa.

E toby: Belgııa, Slovakııa, Rýmynııa, Ulttar lıgasyndaǵy B tobynyń jeńimpazy (Izraıl, Islandııa, Bosnııa jáne Geregovına, Ýkraına).

F toby: Portýgalııa, Ulttar lıgasyndaǵy S tobynyń jeńimpazy (Grýzııa, Lıýksembýrg, Qazaqstan, Grekııa), Túrkııa, Chehııa.

Byltyr Ulttar lıgasy S lıgasynda óz tobynda birinshi oryn alǵan ulttyq qurama týrnırdiń pleı-off júıesi boıynsha Eýropa chempıonatynyń joldamasyn sarapqa salýǵa múmkindik aldy.

Endi elimizdiń bas komandasy 2024 jyldyń 21 naýryzynda S toby boıynsha jartylaı fınalda Grekııamen oınaıdy. Jeńgen jaǵdaıda fınalda Grýzııa nemese Lıýksembýrg quramasymen qurlyqtyq dodaǵa beriletin jalǵyz joldamany sarapqa salady.

Eýropa chempıonatynyń joldamasyna el quramasymen birge 18 upaımen úshinshi oryndy bólisken Fınlıandııada da talasatyn bolady.

Qurlyqtyq dodanyń jalaýy GFR-dyń Berlın, Dortmýnd, Dıýsseldorf, Frankfýrt-na-Maıne, Gelzenkırhen, Gambýrg, Keln, Leıpıg, Mıýnhen, Shtýtgart qalalarynda jelbireıdi.

Dastan KENJALIN,

ASTANA