SportPress.kz Qazaqstan sport jańalyqtary
Týrızm jáne sport mınıstri Ermek Marjyqpaev gımnastıka federaııasynyń basshylyǵymen jáne jattyqtyrýshylar shtabymen kezdesý ótkizdi. Jıynda kórkem jáne sporttyq gımnastıka ókilderi bıylǵy jyldy qorytyndylap, Parıj Olımpıadasyna daıyndyq josparlaryn tanystyrdy, dep habarlady vedomstvo.
Qytaıdyń Hanchjoý qalasynda ótken Azııa oıyndarynda kórkem gımnastıkadan Qazaqstan quramasy úzdik nátıje kórsetip, sary qurlyq dodasy aldyndaǵy mindettemelerin tolyq oryndady. Iaǵnı otandastarymyz 2 kúmis jáne 1 qola medal jeńip aldy.
Aldymen, gımnastarǵa Azııa oıyndarynda jaqsy óner kórsetkeni úshin alǵysymdy bildirgim keledi. Federaııa basshylyǵy Qytaıdaǵy jarys aldynda tek bir kúmis júlde alýdy josparlaǵanymen, sportshylarymyz biz kútkennen de jaqsy nátıjege jetti. Azııa alamanynyń qorytyndysy boıynsha gımnastar el qorjynyna úsh medal saldy. Árıne, gımnastıkada tóreshilerdiń sýbektıvti baǵalaýy jıi kezdesetini bárine málim. Bizdiń sportshylardyń budan da jaqsy nátıje kórsetýine múmkindigi bolǵan edi. Alaıda bári biz oılaǵandaı bola bermeıdi. Sondyqtan halyqaralyq jarystarda jumys isteıtin otandyq tóreshilerdiń sanyn arttyrý boıynsha jumysty kúsheıtý qajet, — dedi Ermek Marjyqpaev.
Azııa oıyndarynda sporttyq gımnastıkadan elimizdiń erler quramasy Qytaıda 1 kúmis jáne 1 qola medal jeńip alýdy josparlaǵanymen, bir qola júldeni ıelendi. Degenmen, ulttyq qurama ókilderi jekeleı kópsaıysta Olımpıada joldamasyn jeńip alǵanyn aıta ketken jón. Áıelder quramasy Hanchjoýda tuǵyrǵa kóterile almady.
Kezdesý sońynda mınıstr sportshylardyń, atap aıtqanda sporttyq gımnastıka boıynsha erler men áıelder quramasynyń daıyndyq jumystaryn qaıta qaraýdy tapsyrdy. Sporttyń osy túrindegi ulttyq qurama ókilderiniń sońǵy jyldardaǵy nátıjeleri sportshylardy jańa júıe boıynsha jattyqtyrýdy qajet etedi.
