Túrkııada kóshpendiler oıyndary talqylandy

Túrkııanyń Ystanbul qalasynda elimizdiń týrızm jáne sport vıe-mınıstri Serik Jarasbaev pen V Dúnıejúzilik kóshpendiler oıyndaryn ótkizý jónindegi dırekııanyń jetekshisi Naıl Nurov Dúnıejúzilik etnosport konfederaııasynyń prezıdenti Bilál Erdoǵanmen kezdesip, uıymdastyrý jumystaryna qatysty máselelerdi talqylady.

Týrızm jáne sport vıe-mınıstri kóshpendiler oıyndaryna daıyndyq jumystary men aqparattyq-nasıhat sharalarynyń qyzý júrip jatqanyn aıtty, — dep habarlady dırekııa.

Dırekııa jetekshisi Naıl Nurov V Dúnıejúzilik kóshpendiler oıyndarynyń mańyzyn eskere otyryp, jarystyń ashylý jáne jabylý saltanaty men dúrmekti dodany álemniń jetekshi telearnalary arqyly taratý máselesin de ortaǵa saldy.

Bilál Erdoǵan taraptar arasyndaǵy áriptestik qatynastyń artqanyn aıta kele, kóshpendiler oıyndaryn uıymdastyrý Qazaqstannyń etnosport qozǵalysyn álemdik deńgeıde nasıhattaýdaǵy atap aıtarlyqtaı jobalarynyń biri ekenine aıryqsha mán berdi.

Jıynda Qazaqstan delegaııasynyń 16-18 aqpan aralyǵynda ótetin Dúnıejúzilik etnosport konfederaııasynyń kongresine qatysatyny da habarlandy.

Ystanbuldaǵy Dúnıejúzilik etnosport konfederaııasynyń keńsesinde ótken kezdesýge Túrkitildes memleketterdiń yntymaqtastyq keńesiniń bas hatshysy Baǵdat Ámireev pen Qazaqstan Respýblıkasynyń Bas konsýldyǵynyń ókilderi de qatysty, — delingen habarlamada.

2024 jyldyń 8-14 qyrkúıek aralyǵynda Astanada ótetin V Dúnıejúzilik kóshpendiler oıyndaryna 100-den astam memleketten 4 000-ǵa jýyq sportshy qatysady dep josparlanyp otyr.

V Dúnıejúzilik kóshpendiler oıyndarynyń urany — «ULY DALA DÚBIRI».