«Uly dala joryǵy» jobasy halyqaralyq deńgeıde uıymdastyrylady

7 aqpanda JORYQ at sporty federaııasynyń jetekshisi Baqytjan Turlybekov Túrkııanyń Qazaqstandaǵy elshisi Mýstafa Kapýdjýmen kezdesti, dep habarlady halyq-uni.kz.

Áńgime kezinde álemde teńdesi joq «Uly dala joryǵy» jobasy týraly sóz qozǵalyp, 2024 jyly Ulttyq sport qaýymdastyǵynyń qoldaýymen alǵash ret halyqaralyq deńgeıde ótkeli turǵan marafon-báıgeniń uıymdastyrý máseleleri talqylandy.

«Uly dala joryǵy» halyqaralyq dúbirli dodasynyń V Dúnıejúzilik kóshpendiler oıyndarynyń qarsańynda ótetin maýsymyna arnaıy Botaı (SQO) — Bozoq (Astana) baǵyty tańdalyp alynýy tereń mazmunǵa ıe. Keminde sheteldik 15 komanda baq synaıtyn aıtýly báıgeniń jalpy qashyqtyǵy 400 shaqyrym bolady.

Marafon-báıgeniń Botaıdan bastalýynyń basty bir sebebi – ǵalymdardyń zertteýinshe adam balasy jylqy malyn dál osy jerde alǵash ret qolǵa úıretken dep esepetelinedi. Al, Astana qalasynyń túbindegi Bozoq qalashyǵy VIII–X ǵǵ. kóne túrkilerdiń kıeli mekeni bolyp sanalady.

Sonymen qatar, Baqytjan Turlybekov Mýstafa Kapýdjýǵa Túrkııanyń at sportyna jaýapty mekemelermen tyǵyz baılanys ornatýǵa jáne alda ótetin marafon-báıgeniń uıymdastyrý jumysyna elshilik tarapynan erekshe nazar aýdarýyn surady.

Mýstafa Kapýdjý JORYQ  at sporty federaııasynyń bastamalaryna óz deńgeıinde qoldaý kórsetýge ázir ekendigin bildirdi.

JORYQ at sporty federaııasy byltyrǵy jyldyń jeltoqsan aıynda Ulttyq sport qaýymdastyǵyna endi. Qazir Ulttyq sport qaýymdastyǵynyń quramynda Báıge, Kókpar, Aýdaryspaq, Jamby atý, Teńge ilý, Qusbegilik, Dástúrli sadaq atý, Asyq atý, Toǵyzqumalaq jáne JORYQ federaııasy bar.

JORYQ federaııasy – «Uly dala joryǵy» marafon-báıgesin uıymdastyrýshy.