Ulttyq Olımpıada komıtetiniń basshylyǵyna Dáýlet Turlyhanov laıyq! – Sadyq Mustafa

Belgili sport mamany, dzıýdo, qazaq kúresi, aýyr atletıkadan Qazaqstan Respýblıkasynyń eńbek sińirgen jattyqtyrýshysy,  «Qurmet» jáne «Parasat» ordeniniń ıegeri Sadyq Mustafa Ulttyq Olımpıada komıtetiniń prezıdenti qyzmetine ataqty balýan, Grek-rım, erkin jáne áıelder kúresi federaııasynyń prezıdenti, Azııa kúresi federaııasynyń basshysy Dáýlet Turlyhanovtyń laıyq ekenin aıtyp, kópshilikten áıgili sportshyǵa tańdaý jasaýdy ótinip, úndeý joldady.

Ulttyq Olımpıada komıtetiniń prezıdenti Tımýr Qulybaevtyń ornyna áýesqoı jáne kásipqoı bokstan álem chempıony Gennadıı Golovkın keledi degen áńgime aıtylǵaly biraz boldy. Iá, Gennadıı Golovkın respýblıka sportyndaǵy belgili tulǵalardyń biri. Onyń rıngtegi jeńisteri mıllıondaǵan jankúıerlerge qýanysh syılady. Biraq Golovkınniń Ulttyq Olımpıada komıtetin basqarýǵa shamasy jete me? Ol osy ýaqytqa deıin oblystyq nemese respýblıkalyq mekeme basqaryp kórgen joq. Gennadıı osyǵan deıin boksshy boldy. Jeke bıznespen shuǵyldandy. Mundaı adamǵa tek ataǵyna qarap Ulttyq Olımpıada komıtetin qalaı senip tapsyrýǵa bolady?! Ulttyq Olımpıada komıtetin basqarý úshin sporttyq ataq azdyq etedi. Qazaq eliniń halyqaralyq olımpııalyq qaýymdastyqtaǵy bedelin kóterip, abyroıyn arttyrýǵa respýblıkalyq jáne halyqaralyq deńgeıde qyzmet atqarǵan, ábden ysylǵan, uıymdastyrý qabiletimen tanylǵan iri tulǵany tańdaýǵa tıispiz, — dedi ol.

Osy rette sport mamany Gennadıı Golovkınniń UOK basqarýǵa shamasy kelmeıtinin, .óıtkeni ol eshqashan oblystyń nemese respýblıkalyq mańyzy bar úlken qalanyń sportyna jetekshilik etip kórmegenin, al jattyqtyrýshylar men ádiskerlerdiń bireýimen de aralasyp, jumys istemegenin atap ótti.

Golovkın mundaı bıik laýazymǵa umtylmas buryn áýeli bir oblystyń nemese respýblıkalyq mańyzy bar úlken qalanyń sportyn basqaryp, mektepter men olımpııalyq izbasarlar ortalyǵynyń tirshiligin ishinen zerttep, bilýi kerek edi. Jattyqtyrýshylarmen, ádiskerlermen aralasyp, olardyń jumystaryna zer salsa, artyq bolmas edi.

Bizdiń joǵary laýazym ıeleri sport salasyna basshy taǵaıyndar kezde úmitkerdiń iskerligine, tájirıbesine jáne jurt arasyndaǵy bedeline jete mán bermeıdi. Yqpaldy toptardyń súıreýimen qalaǵan adamyn respýblıka sportynyń basshysy etip qoıa salady. Osyndaı jany ashymastyqtyń, nemquraılylyqtyń kesirinen Tokıo Olımpıadasynda 83-orynǵa, byltyrǵy Azııa oıyndarynda 11-orynǵa bir-aq quldyradyq, — dedi Sadyq Shońmurynuly.

Ári qaraı ol ózi ómir boıy sport salasynda qyzmet etip kele jatqanyn, sportty bes saýsaǵyndaı biletin adam retinde sporttaǵy solaqaı saıasattyń kesirinen talaı jas jishitter men qyzdardyń qol-aıaǵy baılanyp otyrǵanyn atap kórsetti.

Men ómirboıy sport salasynda kele jatyrmyn. Qazaqstanda daryndy balalar óte kóp. Biraq sporttaǵy solaqaı, óreskel qate tirliktiń saldarynan sol jastardyń qol-aıaǵyn ózimiz baılap otyrmyz.

Qurmetti aǵaıyn! Taǵdyrym sportqa baılanǵan adam retinde Ulttyq Olımpıada komıtetiniń prezıdenti qyzmetine Májilis depýtaty Dáýlet Turlyhanovty laıyq sanaımyn. Dáýlet Bolatuly — grek-rım kúresinen Keńes Odaǵynyń jeti dúrkin chempıony, álem, Eýropa jáne Azııa chempıony, eki Olımpıadanyń júldegeri. Halyqaralyq kúres assoıaııasynyń bıýro múshesi, Azııa Kúres federaııasynyń prezıdenti.

Alty jyldaı Qazaqstan sportynyń basshysy boldy. Shırek ǵasyrdaı ýaqyt respýblıkanyń kúres federaııasynyń tizginin ustady. Halyqaralyq deńgeıde moıyndalǵan tulǵa. Iri derjavalardyń sport basshylarymen teń dárejede sóılesedi. Halyqaralyq deńgeıdegi bedeliniń arqasynda Qazaqstanda birneshe Azııa chempıonattary men halyqaralyq jarystardy uıymdastyrdy. Uzaq jyl grek-rım kúresinen Qazaqstan quramasyn jattyqtyryp, álem chempıondary men Olımpıada chempıondaryn daıyndady.

1994 jyldan bastap birneshe ret Parlament depýtaty bolyp saılandy. Qysqasy, qazir naǵyz tolysqan, tájirıbesi ábden jetilgen, kásibı deńgeıi ósken, kózqarasy qalyptasqan shaǵy. Eń bastysy, halyqtyń qalaýly uly. El maqtanyshy. Keńes Odaǵynyń otarynda bolǵan kezimizde tamasha jeńisterimen ultymyzdyń rýhyn kótergen azamat, — dedi Sadyq Mustafa.

Sonymen birge ol Golovkınniń UOK prezıdenttigine laıyqsyz eken dep kemsitip otyrmaǵanyn, kerisinshe boksshyǵa sport salasynda birneshe jyl jumys istep, ysylý kerektigin eskertti.

Biz Gennadıı Golovkındi ulty basqa dep shettetip otyrǵan joqpyz.Gennadıı sport salasynda birneshe jyl qyzmet atqaryp, biraz ysylsyn. О́zin moıyndatsyn. Qazaq eline isker azamat, bilikti basshy retinde tanylsyn. Sodan keıin bıik laýazymǵa baryp jatsa, eshkim qarsy bolmaıdy. Al qazirgi umtylysy asyǵys, qate sheshim.

Qadirli aǵaıyn! Atalarymyz: «Halyq qalasa, han túıesin soıady» degen. Eldigimizdi tanytyp, aýyzbirligimizdi kórsetip, osyndaı kezde Dáýlet Bolatulyn bir adamdaı qoldaıyq, — dedi ol sóziniń sońynda.

Bul úndeý Sadyq Mustafanyń áleýmettik jelidegi paraqshasynda jarııalady. Onyń ǵalamtorda shyqqanyna bir saǵattaı ýaqyt bolmasa da sport mamanynyń usynysyn qoldap jatqan adamnyń qatary kóbeıip jatyr. «Sadyq Shońmurynulynyń sóziniń jany bar. Bul qyzmetke Dáýlet Bolatuly ábden laıyq! Jalpy, Turlyhanov qaı qyzmetke, qaı jumysqa barsa da tórden kórinýge tıis tulǵa», degen pikirler bar.