SportPress.kz قازاقستان سپورت جاڭالىقتارى
تەننيسءشى ەلەنا رىباكينا كاتاردىڭ دوحا قالاسىندا ءوتىپ جاتقان WTA 1000 ءتۋرنيرىنىڭ شيرەك فينالىندا الەمنىڭ 38-راكەتكاسى، 2021 جىلعى اقش اشىق چەمپيوناتىنىڭ ءفيناليسى، كانادالىق لەيلا فەرناندەسپەن ويناپ، كورتتا العاش رەت كەزدەستى، دەپ حابارلادى RRaketkasi.
كانادالىق تەننيسشى ماتچتى جاقسى باستاپ، 4:1 ەسەبىمەن العا شىقتى. دەگەنمەن بۇدان كەيىن رىباكينا قاتارىنان بەس گەيمدى الىپ، ەسەپتى 6:4-كە جەتكىزدى.
ەكىنشى سەتتە رىباكينا ەسەپ 3:2 بولعان كەزدە برەيك جاساي الدى. سودان كەيىن ماتچتى تاعى ءبىر برەيكپەن تۇيىندەدى. ەسەپ – 6:2.
ماتچ ءبىر ساعات 34 مينۋتقا سوزىلدى. وسى ۋاقىتتا رىباكينا 6 ەيسپەن بىرگە 11 برەيك-پوينتتىڭ بەسەۋىن ءوز ەسەبىنە جازدى.
ەلەنا رىباكينا فينالعا شىعۋ ءۇشىن الەمنىڭ 32-راكەتكاسى، 2021 جىلعى رولان گارروس جارىسىنىڭ ءفيناليسى، رەسەيلىك اناستاسيا پاۆليۋچەنكوۆامەن كەزدەسەدى.
