Rybakına WTA 1000 týrnıriniń jartylaı fınalyna shyqty

Tennısshi Elena Rybakına Katardyń Doha qalasynda ótip jatqan WTA 1000 týrnıriniń shırek fınalynda álemniń 38-raketkasy, 2021 jylǵy AQSh ashyq chempıonatynyń fınalısi, kanadalyq Leıla Fernandespen oınap, kortta alǵash ret kezdesti, dep habarlady RRaketkasi.

Kanadalyq tennısshi matchty jaqsy bastap, 4:1 esebimen alǵa shyqty. Degenmen budan keıin Rybakına qatarynan bes geımdi alyp, esepti 6:4-ke jetkizdi.

Ekinshi sette Rybakına esep 3:2 bolǵan kezde breık jasaı aldy. Sodan keıin matchty taǵy bir breıkpen túıindedi. Esep  – 6:2.

Match bir saǵat 34 mınýtqa sozyldy. Osy ýaqytta Rybakına 6 eıspen birge 11 breık-poınttyń beseýin óz esebine jazdy.

Elena Rybakına fınalǵa shyǵý úshin álemniń 32-raketkasy, 2021 jylǵy Rolan Garros jarysynyń fınalısi, reseılik Anastasııa Pavlıýchenkovamen kezdesedi.