Astanadaǵy Qajymuqan Muńaıtpasov atyndaǵy stadıonnyń jańa eskızi usynyldy

Astana qalasynyń Dene shynyqtyrý jáne sport basqarmasy Qajymuqan Muńaıtpasov atyndaǵy stadıondy buzyp, onyń ornyna jańa jabyq tıpti stadıon salý týraly sheshim qabyldaǵanyn habarlady.

Qajymuqan Muńaıtpasov atyndaǵy stadıondy qaıta jańǵyrtý ornyna tolyq demontaj jasap, jańa stadıon salý josparlanyp otyr. Bul qurylys-montajdaý jumystarynyń merzimin uzartady. Jabyq úlgidegi jobany iske asyrý týraly sheshim qabyldandy. Osyǵan baılanysty jobalaý jumystary júrgizilip jatyr. Stadıonnyń jańa eskızi daıyn , — dedi Astana qalasynyń Dene shynyqtyrý jáne sport basqarmasynyń baspasóz hatshysy Mádına Aıtqalıeva.

Onyń aıtýynsha, stadıon jobasy ÝEFA standarttarynyń 3-sanaty boıynsha 4500 oryndyq, oıyn alańy 7140 sharshy metr, ólshemi 105 metrden 68 metrge deıin bolady. Qazirgi kezde aldyn ala jobasyn daıyndaý jumysy bolyp  jatyr. Stadıonnyń aldyn ala jobasyna kelisim alǵannan keıin ol memlekettik saraptama portalyna shyǵady. Memlekettik saraptamanyń oń qorytyndysyn alǵannan keıin stadıon salynady.

Dastan KENJALIN,

ASTANA