SIM Amerıkada kóz jumǵan qazaq sportshysyna qatysty túsinik berdi

Syrtqy ister mınıstrliginiń resmı ókili Aıbek Smadııarov AQSh-ta kóz jumǵan cportshy Muhambet Qýatbektiń ólimine qatysty túsinik berdi, dep habarlady Halyq Uni tilshisi.

2024 jylǵy 19 naýryzda Nıý-Iork qalasyndaǵy konsýldyqqa Fıladelfııa qalasynda Qazaqstan azamatynyń qaıtys bolǵany týraly aqparat tústi. Otandasymyzdyń denesi 16 naýryzda Fıladelfııadaǵy máıithanaǵa jetkizildi. Fıladelfııa qalasy sot-medıınalyq keńsesiniń málimetinshe, ólim júrektiń toqtap qalýynan bolǵan. Naqty aqparatty kútemiz.

Qazaqstannyń konsýly qaıtys bolǵan azamatymyzdyń týystarymen baılanysta. Qazir máıitti Qazaqstanǵa jetkizý boıynsha is-shara uıymdastyrylyp jatyr», — dedi Aıbek Smadııarov SIM-de ótken baspasóz máslıhatynda.

Eske sala ketsek, buǵan deıin áleýmettik jelide erkin kúresten 2014 jylǵy jasóspirimder Olımpıadasynyń álem chempıony Muhambet Qýatbektiń qaıtys bolǵany habarlanǵan edi. Ol AQSh-tyń Fıladelfııa qalasynda turǵan.