SportPress.kz Qazaqstan sport jańalyqtary
Kúni keshe fýtboldan Qazaqstan premer lıgasynyń úshinshi týrynyń oıyndary boldy.
Bir aıǵa jýyq úzilisten keıin 12 komanda ózara baq synap, myqtyny anyqtady. Aıta ketý kerek «Qaısar» klýby «Aqsý» komandasynyń chempıonattan shektetilgenine baılanysty demalys aldy. Tartysqa toly ótken bul týrda 10 gol soǵylyp, tóreshiler tarapynan 36 sary qaǵaz ben 2 qyzyl qaǵaz kórsetilip, jalpy sany 22 400 kórermen tamashalaǵan. Qysqasha oıyndarǵa sholý jasap óteıik.
«Shahter» -«Turan» 0:2
Úshinshi týr shymyldyǵyn «Shahter» men «Turan» komandalary ashty. Kenshiler óz alańdarynda qaqpaǵa jaýapsyz eki gol jiberip aldy. Oıyn bastala salysymen 7-mınýtta «Aqtóbe» qajet etpegen bolıvııalyq shabýylshy Leonardo Vaka gol salyp, esep ashty. Birinshi taım aıaqtalar sátke taman Branıslav Slýka ekinshi goldy soqty. Ekinshi taımda qos komanda tarapynan qaýipti sátter bolǵanymen, nátıje bolmady. Osylaısha «Shahterdiń» jeńissiz ári golsyz serııasy jalǵasýda.
«Atyraý» — «Jetisý» 0:1
Munaıshy stadıonynda aýyz toltyryp aıtarlyqtaı qyzyqty sátter bolmady. Maýsymnyń basynda «munaıshylar» quramyn kúsheıtip alǵan bolatyn.
Oıynnyń birinshi taımynda gol bolmady. Alaıda ekinshi taımnyń 73-mınýtynda Serikjan Mýjıkov buryshtamadan osy týrdyń eń úzdik golyn soqty. Aradan úsh mınýt ótken soń, oıyn erejesi buzylyp «Jetisý» qaqpasyna penaltı belgilendi. Biraq 38 jastaǵy jartylaı qorǵaýshy Igor Stasevıch on bir metrlik aıyp dobyn torǵa toǵyta almady.Qaırat Nurdáýletovtiń shákirtteri bul oıynda jarady.
«Aqtóbe» — «Jeńis» 3:0
«Aqtóbe» Astananyń «Jeńis» klýbymen kezdesti. Oıyn bastala salysymen «aq-qyzyldar» shabýyldap «Jeńisti» ábden ábigerge saldy. Oıynnyń 13-mınýtynda astanalyq komandanyń qaqpasyna penaltı belgilenip, Maksım Samorodov ony sátti oryndady. Penaltıden soń úsh mınýt óte salysymen Idrıs Ýmaev qorǵaýshyny aldap ótip, «Jeńis» qaqpasynyń kiltin dál tapty. «Aqtóbe» jyldam eki gol soqqanan keıin oıyny baıaýlap qalǵany ras. Biraq ony qarsylas komanda sátti paıdalana almady. Al oıynnyń 48-mınýtynda Domınıkandyq legıoner Dornı Romero ǵalamat gol soǵyp, jankúıerler kózaıymyna aınaldy.
Aıta ketý kerek, matchtyń 72- mınýtynda aqtóbelik qorǵaýshy Mateo Barach týrdyń alǵashqy qyzyl qazaǵyn aldy.
«Qyzyljar» — «Tobyl» 0:0
Petropavldaǵy ish pystyrarlyq oıyn nemese dostyqtyń jeńisi. Qos komanda tarapynan asa qaýipti shabýyldar bolmady. Sáıkesinshe tablodaǵy esepte ózgerissiz qaldy.
«Astana» — «Elimaı» 0:1
3-týrdyń sensaııasy «Astana» men «Elimaı» komandalarynyń arasyndaǵy matchta boldy. Qos komanda kezekpen kezek shabýyldady. «Elimaı» klýbynyń da «Astananyń» da soqqy baǵyttap, qaqpa baǵanasyna tıgen qaýipti sátteri boldy. Oıynnyń 59-mınýtynda alań ıeleri sapynda Aleksa Amanovıch qyzyl qaǵazben jazalanyp, oıynnan shettetildi. Al oıyn esebin 88-mınýtta Roman Mýrtazaev ashty.
Matchtyń negizgi ýaqytyna 7 mınýt qosylǵanymen, astanalyqtar esepti teńestire almady.
«Ordabasy» — «Qaırat» 1:2
Týrdyń ortalyq matchy Shymkentte boldy. Oıynnyń 42-mınýtynda ulttyq quramanyń Eýropada jalǵyz golyn soǵyp kelgen Ádilet Sadybekov taǵy da óz sheberligin kórsetti.
Oıynda Bekhan Shaızada keremet seıvterimen kózge tústi. Al ekinshi taımda almatylyq ujymnyń lıderi Joaý Paýlý esep aıyrmasyn uzartty. Shymkenttikterdiń 85-mınýtta jasaǵan shabýyly nátıjeli bolyp, Jasýr Iahshıboev oıyn núktesin qoıdy.
О́tken týrda týra osy stadıonda «Turanǵa» qarsy teń oınaǵan «Qaırat» osy joly shymkenttikterden aılasyn asyra aldy. Aıtpaqshy «Ordabasy» men «Qaırattyń» oıyny 3-týrda eń kóp kórermen jınaǵan match (8700 kórermen) boldy.
Aınat QABIDÝLLAEV,
ASTANA
