Magomed Adıev — «Ahmat» fýtbol klýbynyń bas jattyqtyrýshysy

Fýtboldan erler arasyndaǵy Qazaqstan ulttyq qurama komandasynyń bas jattyqtyrýshysy Magomed Adıev Reseıdiń Sheshen Respýblıkasynyń astanasy Groznyı qalasynyń «Ahmat» klýbynyń bas bapkeri bolyp taǵaıyndaldy. Ol Ahmat Romaщenkony almastyrdy.

Bul málimet reseılik klýbtyń saıtynda shyqty.

Búgin, 5 sáýirde «Ahmat» fýtbol klýbynyń jalpykomandalyq jıyny boldy. Osy kezdesýde klýbtyń prezıdenti Magomed Daýdov komandanyń jańa bas jattyqtyrýshysy – Magomed Adıevti tanystyrdy, — delingen materıalda.

Magomed Adıev 1977 jyly Groznyı qalasynda týǵan. Ár jyldary Reseıdiń «Ingýshetııa», «Anjı», SKA, «Sokol», «Spartak-2» (Máskeý), «Terek», «Nıjnı» Novgorod» klýbtarynda oınaǵan. Odan keıin Astananyń «Jeńis» pen Ýkraınanyń «Krıvbass» komandasynda dop teýip, 2010 jyldan beri jattyqtyrýshylyq qyzmetpen aınalysa bastady.

Ol Qazaqstan quramasyn 2022 jyldan beri jattyqtyryp keledi. Onyń jetekshiligimen ulttyq qurama Eýropa chempıonatyna joldama beretin Ulttar lıgasynyń pleı-off kezeńine shyqty.

«Ahmat» klýby Groznyı qalasyndaǵy «Ahmat arena» stadıonynda oınaıdy. Klýbtyń óz akademııasy bar. Ol Ramzan dep atalady.