SportPress.kz Qazaqstan sport jańalyqtary
Fýtboldan Premer-lıganyń tórtinshi týry jyl saıyn jer-júzi boıynsha 6 sáýir kúni toılanatyn Halyqaralyq sport kúnimen tuspa tus keldi.
4-týr eki kúnge sozylyp, qyzyqty da tartysty boldy. Bul týrda jalpy sany 9 gol soǵyldy. Oıyndarǵa qysqasha sholý jasap óteıik.
«Qyzyljar» — «Jeńis» 4:0
Týrdyń alǵashqy oıyny Petropavl qalasynda boldy. Bul matchta Qyzyljardyń favorıt bolǵany anyq, alaıda iri eseppen jeńiske jetedi dep eshkim kútpese kerek. Jergilikti komanda tarapynan tórt goldyń tórteýinde legıonerler soqty. Alǵashqysyn matchtyń 23-mınýtynda komanda kapıtany Evgenıı Berezkın tórt qorǵaýshynyń turǵanyna qaramastan qaqpa kiltin dál tapty. Aıta ketý kerek, Berezkın osy maýsymda «Qyzyljar» sapynda úshinshi golyn soǵyp otyr. Al ekinshi taımnyń 56-mınýtynda Brıjıdýdiń buryshtamadan asyrǵan pasyn Zoran Nıjıch óziniń boıshańdyǵyn paıdalanyp gol soǵyp ketti. Eki gol salǵan soń petropavldyqtar ózderine senimdi oınaı bastady.
Oıynnyń 71-mınýtynda Brıjıdý taǵy da buryshtamadan pas asyryp, Borıs mılıanıch esepti eseledi. Osy goldan keıin mılıanıchtyń ornyna Alekseı Щebetýn shyqty. Ýkraınalyq shabýylshy kóp ýaqyt ótpeı oıynnyń 81-mınýtynda «Jeńistiń» qateligin sátti paıdalanyp gol soqty.
Osylaısha, «Qyzyljar» komandasy Premer lıgadaǵy tájirıbeniń arqasynda óz jankúıerlerin qýantty. Sonymen qatar «Jeńis» bar jerde jeńilis bar ekenin de umytpaǵan jón.
«Elimaı» — «Qaısar» 1:0
«Elimaı» — «Qaısar» matchy Pavlodarda boldy. Alǵashqy taımda semeılikterdiń oıyny júrmeı, shabýyldary nátıjesiz bolyp jatty. Alaıda oıynnyń 80-mınýtynda ótken maýsymda «Aqtóbeni» alǵa súıregen Rodjerıo Shına esep ashyp, oıyn núktesin qoıdy. Al qyzylordalyq «qasqyrlar» qasqyr minezderin kórsete almaı kele jatqandaryna osymen tórtinshi týr.
Matchtan keıin «Qaısar» komandasynyń áleýmettik jelidegi paraqshasynda matchta tórelik etken Saıat Qarabaevtyń jumysyna narazylyqtaryn jetkizdi.
«Qaırat» — «Jetisý» 0:0
Almatydaǵy jańbyrly oıynda esep ashylmady. Alǵashqy mınýttarda ádettegideı Joaý Paýlo gol soqqan bolatyn, biraq ofsaıd bolyp esepke alynbady. Oıynnyń 24-mınýtynda «Jetisý» qaqpasyna penaltı belgilenip, Paýlo gol soǵa almady. Penaltı tebýde oıyn erejesi buzyldy dep Paýloǵa taǵy da múmkin berip edi, Arsen Sıýkaev dopty op-ońaı ustap aldy.
Ekinshi taımda almatylyqtar birneshe ret shabýyldap gol soǵa almady. Tipti doptyń qaqpa mańdaıshasyna tıgen sátteri de boldy. Al «Jetisý» oıynshylary tek qorǵanýdy jón kórdi. Osylaısha match favorıti «Qaırat» Qaırat Nurdáýletov shákirtterinen aılasyn asyra almady.
«Aqtóbe» — «Atyraý» 1:1
Týrdyń ekinshi kúni batys derbıimen bastaý aldy. Sońǵy oıynda jeńilis tapqan «munaıshylar», «Aqtóbege» qarsy tyńǵylyqty daıyndalyp kelgeni baıqaldy. Kóp kúttirmeı oıynnyń 11-mınýtynda ulttyq quramanyń oıynshysy Ádilhan Tańjaryqov buryshtamadan asyrylǵan pasty sátti paıdalanyp, esep ashty. Osy goldan keın qos komanda birinshi taımnyń sońyna deıin ish-pystyrarlyq oıyn kórsetkeni de ras.
Qyzyqtyń bári ekinshi taımda boldy. Birese «Aqtóbeniń», birese «Atyraýdyń» shabýylyn kórýmen boldyq. «Atyraý» shabýylshylarynyń qaqpaǵa baǵyttaǵan soqqylarynyń barlyǵy qaqpashy Щakııdiń qolynan tabylyp jatty. Tek oıynnyń 69-mınýtynda 32 jastaǵy shabýylshy Nıkolaı Sıgnevıch pasty sátti paıdalanyp, tarazy basyn teńestirdi. Osylaısha Vıtalıı Jýkovskıı shákirtteri syrt alańda «Aqtóbeden» upaı alyp ketti.
«Shahter» — «Astana» 1:0
Týrdyń sensaııasy taǵy da «Astanaǵa» qarsy matchta boldy. Chempıonat bastalǵaly birde bir upaı almaǵan «kenshiler» elordalyq klýbty qapy qaldyrdy. Oıynnyń 26-mınýtynda komanda lıderi Rodjer Kanıas ǵalamat golymen kózge tústi. Kanıastyń goly tipti, osy týrdyń eń úzdik goly bolýy ábden múmkin. Oıynnyń qalǵan ýaqyttarynda «Astana» óz múmkindikterin sátti paıdalana almady. Aıta ketý kerek jaqynda ǵana «Shahter» sapynan bas jattyqtyrýshy Igor Soloshenko qyzmetinen bosatylyp, ornyna Andreı Fınonchenko taǵaıyndalǵan bolatyn. Osylaısha Fınonchenko alǵashqy matchynda sensaııa jasap, jankúıerlerdi tánti etti.
«Turan» — «Ordabasy» 0:1
Ońtústik derbıde shymkenttik klýb basym tústi. Túrkistandaǵy stadıon daıyn bolmaǵandyqtan «Turan» oıyndaryn Shymkentte ótkizip júrgenin bilemiz. Sol sebepti «Ordabasy» úıde oınap jatqandaı ózderin erkin sezindi. Komandaǵa kele salysymen kórermen kózaıymyna aınalǵan shabýylshy Jasýr Iahshıboev oıynnyń 25-mınýtynda esep ashty. Odan bólek «Ordabasy» sapynan Vsevolod Sadovskıı matchtyń 89-mınýtynda gol soqqan edi, biraq tóreshi esepke almady.
Aıta ketetin jaıt «Ordabasy» sapynda jaraqat alyp, uzaq ýaqyttar boıy alańǵa shyqpaǵan ulttyq qurama oıynshysy Baýyrjan Islamhan 80-mınýtta Ashat Taǵybergenmen aýysty.
Týrnırlik kestege kóz júgirtsek ázirge «Qaırat» birinshi orynda. Ekinshi orynmen altynshy orynda «Qyzyljar», «Ordabasy», «Aqtóbe», «Elimaı», «Tobyl» komandalary jeti upaımen ózara bólisip tur. Aýtsaıderden jeńilis tapqan «Astana» alty upaımen jetinshi orynǵa jaıǵasty. «Turan»men «Jetisý» tórt upaımen segizinshi orynda. «Atyraý», «Shahter», «Jeńis» onynshy, on ekinshi orynda. Al maýsym bastalǵaly jeńilisten kóz ashpaǵan «Qaısar» týrnırlık kesteniń sońynda tur.
Aınat QABIDÝLLAEV,
ASTANA
