ازيا چەمپيوناتىندا قازاقستان تاعى ءتورت جۇلدە يەلەندى

الماتى قالاسىندا ءوتىپ جاتقان تاس جولداعى ۆەلوسپورتتان ازيا چەمپيوناتىندا ۇلتتىق قۇرامانىڭ ۆەلوشاباندوزدار ءبىر التىن، ءبىر كۇمىس، ەكى قولا مەدالدى جەڭىپ الدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

ەرلەر اراسىنداعى جەكەلەي سىندا ەۆگەني فەدوروۆ مارەگە 49:46 سەكۋندتا جەتىپ، چەمپيون اتاندى. ودان كەيىنگى ساتىعا تاعى ءبىر وتانداسىمىز دميتري گرۋزدەۆ (50:20) جايعاستى. ءۇشىنشى ورىندى جاپونيالىق يۋكيا اراسيرو (51:20) يەلەندى.

ازيا چەمپيوناتىنا دايىندىعىم جاقسى بولدى. ەشكىم دە جارىسقا جەڭىلەمىن دەپ كەلمەيدى. بارىمىزدە دە التىن الساق دەگەن ارمان بار. بۇل جەتىستىگىمە اتا-انام، جاتتىقتىرۋشىلارىم مەن تۋىستارىم دا قۋانىپ جاتىر، — دەدى ەۆگەني فەدوروۆ.

U23 ساناتىندا قاتىسقان اقپەيىل ءوسىم 20 كم قاشىقتىقتا مارەگە 29 مينۋت 58 سەكۋندتا جەتسە، ال ەرەسەكتەر اراسىندا باق سىناعان ريناتا سۇلتانوۆا فينيشكە 29 مينۋت 28 سەكۋندتا كەلدى. ناتيجەسىندە ولار قوس قولا جۇلدەنى قورجىنعا سالدى.