كينوپويسك قازاقستانداعى چەمپيوندار ليگاسى مەن فۋتبولدان ەۋروكۋبوك ماتچتارىن كورسەتە باستادى

ونلاين-كينوتەاتر كورەرمەندەرى 1 قازاندا «ارسەنالدىڭ» «پسجمەن» جانە «بايەردىڭ» «ميلانمەن» كەزدەسۋىن العاشقى ترانسلياتسيالاردان كورە الادى.

الماتى، قازاقستان — ياندەكس پليۋستىڭ قازاقستاندىق جازىلماندارىنا ەندى چەمپيوندار ليگاسى، ەۋروپا ليگاسى جانە كونفەرەنتسيالار ليگاسى ماتچتارىنىڭ تىكەلەي ەفيرىن جانە Q Sport، Q League، Qazsport پەن Qazaqstan تەلەارنالارىندا جازىلعان ترانسلياتسيالاردى كورۋگە بولادى.

2024/25 جىلعى چەمپيوندار ليگاسىنىڭ ەكىنشى تۋرىندا ماڭىزدى كەزدەسۋلەر وتەدى: «ارسەنال» 1 قازاندا «پاري سەن-جەرمەندى» قابىلدايدى، ال «بايەر لەۆەركۋزەن» سول كۇنى «ميلانعا» قارسى وينايدى. وتكەن ماۋسىمدا «پسج» شيرەك فينالعا جەتىپ، مىقتى قارسىلاستان جەڭىلىپ قالدى، ال «ارسەنال» توپتىق كەزەڭنەن وتە المادى. «بايەر» ەۋروپا ليگاسىندا ءوز جولىن اياقتاسا، «ميلان» چەمپيوندار ليگاسىنىڭ جارتىلاي فينالىنا دەيىن جەتىپ، «ينتەردەن» جەڭىلىپ قالدى.

وسى ماۋسىمداعى چەمپيوندار ليگاسىنىڭ ءبىرىنشى تۋرىندا «مانچەستەر سيتي» مەن «ينتەر» (0:0) تەڭ ءتۇستى، بۇل وتكەن فينالدىڭ قايتالاۋى بولدى، وندا «سيتي» 1:0 ەسەبىمەن جەڭىسكە جەتكەن ەدى. فيناليستەر قاتىساتىن كەلەسى ماتچتار 2 قازاندا وتەدى، ولاردى كينوپويسك ارقىلى كورۋگە بولادى: «مانچەستەر سيتي» «سلوۆان براتيسلاۆامەن»، ال «ينتەر» «تسرۆەنا زۆەزدامەن» كەزدەسەدى.

وسى ماۋسىمنان باستاپ چەمپيوندار ليگاسى جاڭا فورماتتا وتۋدە: ەندى توپتىق كەزەڭ جوق، ونىڭ ورنىنا كوماندالار ليگا كەزەڭىندە ءار ءتۇرلى قارسىلاستارمەن سەگىز ماتچ وينايدى. بۇل ويىنداردىڭ سانىن كوبەيتىپ، ءتۋرنيردى قىزىقتى ەتتى.

3 قازاندا وتەتىن ەۋروپا ليگاسى ماتچتارىنىڭ اراسىندا ونلاين كينوتەاتردا كەلەسى ماتچتاردى تاماشالاي الاسىزدار: «فەرەنتسۆاروش» «توتتەنحەم حوتسپۋرگە» قارسى وينايدى، «رەال سوسەداد» «اندەرلەحتپەن» كەزدەسەدى، ال «لاتسيو» «نيتستسانى» قابىلدايدى. كەيىنىرەك «ەلفسبورگ» «رومامەن» وينايدى، ال «پورتۋ» «مانچەستەر يۋنايتەدپەن» كەزدەسەدى. كەلەسى كۇنى، 4 قازاندا، «گالاتاساراي» «ەلفسبورگكە»، ال «براگا» «بۋديو-گليمتكە» قارسى ماتچتار وتكىزەدى. كونفەرەنتسيالار ليگاسىندا قازاقستاندىق «استانا» جەلتوقسان ايىندا لوندوندىق «چەلسيمەن» كەزدەسەدى.

ياندەكس پليۋس جازىلىمى ارقىلى قازاقستاندىق كورەرمەندەرگە كينوپويسك-تا «سپورت» بولىمىندە الەمدەگى ەڭ ءىرى سپورتتىق ءىس-شارالاردىڭ ترانسلياتسيالارى قولجەتىمدى. بۇرىن ونلاين-كينوتەاتر Setanta Sports-تىڭ سەرىكتەسى اتانىپ، اپل، لا ليگا، سەريا ا، بۋندەسليگا ماتچتارىن، سونداي-اق فورمۋلا-1، ATP تەننيس تۋرنيرلەرىن، UFC تۋرنيرلەرىن جانە باسقا دا جەكپە-جەك تۇرلەرىن كورسەتۋدە.

سپورتتىق ترانسلياتسيالار كينوپويسك-تا العاش رەت وسى جازدا ەۆرو-2024-ءتىڭ باستالۋىمەن پايدا بولدى، تانىمال فيلمدەر مەن سەريالدارمەن قاتار، العاشقى ترانسلياتسيالاردان-اق ەۋروپا چەمپيوناتىنىڭ ماتچتارى كينوپويسك-تا ەڭ كوپ قارالعان 10-دىققا ەندى. سپورتتىق ترانسلياتسيالاردان باسقا، ياندەكس پليۋس جازىلماندارىنا فيلمدەر، سەريالدار، كىتاپتار، ءتۇرلى ورىنداۋشىلاردىڭ ترەكتەرى ياندەكس مۋزىكادا جانە قازاقستانداعى ياندەكس-ءتىڭ باسقا سەرۆيسىندە ساتىپ الۋ ءۇشىن كەشبەك بالدارى قولجەتىمدى.

سپورت كينوپويسك-تا: hd.kinopoisk.ru/sport

كينوپويسك – قازىرگى ۋاقىتتا 1،3 ميلليوننان استام قازاقستاندىقتاردىڭ پايدالاناتىن ياندەكس پليۋس بىرىكتىرىلگەن جازىلىمىنا كىرەتىن بەينەسەرۆيس. 2024 جىلدىڭ ەكىنشى توقسانىندا ونلاين-كينوتەاتر قولدانۋشىلارى اراسىندا جۇرگىزىلگەن ساۋالنامانىڭ ناتيجەسى بويىنشا بەينەسەرۆيس ەلىمىزدە №1 ورىنعا شىقتى. كينوپويسك قازاقستاندا شىعارىلعان ءساتتى فيلمدەر مەن تەلەحيكايالاردى كورسەتەدى: «پاتسانسكيە يستوري»، «قازاقشا بيزنەس» فرانشيزالارى، «حوتيا بى كينودا»، «برات يلي براك»، «تاپتىم-اۋ سەنى»، «موشەننيكي» سەريالى جانە ت.ب. بەينەسەرۆيستىڭ مالىمەتى بويىنشا، تەك 2024 جىلدىڭ ءبىرىنشى جارتىجىلدىعىندا جازىلماندار قازاقستاندا تۇسىرىلگەن 5 ميلليون ساعاتتان استام كونتەنتتى كورگەن.