SportPress.kz قازاقستان سپورت جاڭالىقتارى
«استانا» فۋتبول كلۋبىنىڭ باس ديرەكتورى قىزمەتىنە قايسار بەكەنوۆ تاعايىندالدى. ديرەكتورلار كەڭەسىنىڭ توراعاسى ميحايل گۋرمان كلۋبتىڭ ۇجىمىنا جاڭا باسشىنى تانىستىردى، دەپ حابارلادى «استانا» فۋتبول كلۋبى.
قايسار راۋف ۇلى 2013-2019 جىلدارى كلۋبتا باسشىلىق قىزمەتتە بولىپ، ەلوردالىق كوماندامەن بىرگە ەل ىشىندەگى بارلىق تروفەيلەردى جەڭىپ الدى. سونداي-اق ەۋروكۋبوكتاردا تاريحي جەتىستىكتەرگە جەتتى.
«استانا» – قازاقستان فۋتبولى تاريحىندا چەمپيوندار ليگاسىنىڭ توپتىق كەزەڭىنە شىققان تۇڭعىش كوماندا بولدى. سونىمەن بىرگە ەۋروپا ليگاسىنىڭ توپتىق كەزەڭىنەن پلەي-وفف كەزەڭىنە وتكەن العاشقى ۇجىم اتاندى.
بىلتىر قايسار بەكەنوۆ كلۋبتا ماركەتينگ جانە قوعامدىق بايلانىستار باعىتىنا جاۋاپتى بولدى.
بۇعان دەيىن «استانانىڭ» باس ديرەكتورى قىزمەتىن اتقارعان عازينۇر ءالىموۆ باسقا جۇمىسقا اۋىسۋىنا بايلانىستى «استانا» فۋتبول كلۋبىنىڭ ۇجىمىنان كەتتى.
