Qaısar Bekenov – «Astana» klýbynyń bas dırektory

«Astana» fýtbol klýbynyń bas dırektory qyzmetine Qaısar Bekenov taǵaıyndaldy. Dırektorlar keńesiniń tóraǵasy Mıhaıl Gýrman klýbtyń ujymyna jańa basshyny tanystyrdy, dep habarlady «Astana» fýtbol klýby.

Qaısar Raýfuly 2013-2019 jyldary klýbta basshylyq qyzmette bolyp, elordalyq komandamen birge el ishindegi barlyq trofeılerdi jeńip aldy. Sondaı-aq eýrokýboktarda tarıhı jetistikterge jetti.

«Astana» – Qazaqstan fýtboly tarıhynda Chempıondar lıgasynyń toptyq kezeńine shyqqan tuńǵysh komanda boldy. Sonymen birge Eýropa lıgasynyń toptyq kezeńinen pleı-off kezeńine ótken alǵashqy ujym atandy.

Byltyr Qaısar Bekenov klýbta marketıng jáne qoǵamdyq baılanystar baǵytyna jaýapty boldy.

Buǵan deıin «Astananyń» bas dırektory qyzmetin atqarǵan Ǵazınur Álimov basqa jumysqa aýysýyna baılanysty «Astana» fýtbol klýbynyń ujymynan ketti.