Chempıondar ustahanasy áz Naýryzdy qarsy aldy

Elimizde Naýryz meıramy áli jalǵasyn taýyp, jer-jerde sán-saltanatymen ótkizilip keledi.

Almaty qalasyndaǵy Qarken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledji shańyraǵy keremet Ulystyń uly kúnin kóktemgi kóńil-kúımen qarsy aldy.

Merekelik naýryzda sahna tórinde ulttyq salt-dástúrimiz, ádet-ǵuryptarymyzdy mektep-ınternat ujymynyń ustazdary tamasha sahnalyq kórinister arqyly kórsete bildi. Ata-babymyzdyń urpaqtan-urpaqqa jalǵasyp, úzbeı kele jatqan ulttyq qundylyqtarymyzdy sahnalaǵan kezde keýdemizde erekshe maqtanysh paıda bolary sózsiz. Ásirese, balany besikke bóleý, tusaýkeser, betashar sekildi dástúrimizdiń berekeli tustary óte áserli qoıylym-kórinister arqyly kórsetildi.

Sportta ǵana emes, ónerde de qur alaqan emes ekenin aıtýly mektep-ınternat kolledjiniń ujymy men oqýshylary tamasha kórsete bildi. Sahna aldyna shyqqandar óz kórermenderiniń kóńilinen shyǵyp, merekelik kóńil-kúıdi syılady. Mektep-ınternat kolledjiniń dırektorynyń mindetin atqarýshy Nurseıit Saǵymbaıuly Jaqsylyqov pen onyń orynbasarlary Janna Báıdildáqyzy men Saltanat Orynqyzynyń jumyla kótergen júgi óz bereketin berip, mereke óte jaqsy uıymdastyrylǵanynyń kýási boldyq.

Meıramda ulttyq sporttyń ár túrinen túrli saıystar ótip, jeńimpazdar men júldegerler qurmetpen marapattaldy.

Aqyn ORDABAIULY,

ALMATY