SportPress.kz قازاقستان سپورت جاڭالىقتارى
استانا قالاسىندا ۇستەل تەننيسىنەن 2027 جىلعى الەم چەمپيوناتى جالاۋىن كوتەرەدى.
بۇل تۋرالى حالىقارالىق ۇستەل تەننيسى فەدەراتسياسىنىڭ (ITTF) باس اسسامبلەياسىنىڭ وتىرىسىندا حابارلاندى. جيىندا 2027، 2028 جانە 2029 جىلدارداعى الەم چەمپيوناتتارىن وتكىزەتىن ەلدەردىڭ قالالارى انىقتالدى.
ءبىرىنشى كەزەڭنىڭ قورىتىندىسى بويىنشا اقش ەڭ از داۋىس جيناپ، ەكىنشى كەزەڭگە قازاقستان مەن فرانتسيا شىقتى.
فينالدىق داۋىس بەرۋ ناتيجەسىندە قازاقستان – 54،68 % داۋىس السا، فرانتسيا 45،32 % داۋىس جينادى.
وسىلايشا، ەلىمىز العاش رەت ۇستەل تەننيسىنەن الەم چەمپيوناتىن وتكىزەتىن بولىپ شەشىلدى.
2028 جىلعى الەم چەمپيوناتى جاپونيانىڭ فۋكۋوكا قالاسىندا وتەدى. ال 2029 جىلى الەم چەمپيوناتىن برازيليانىڭ ريو-دە-جانەيرو قالاسى ۇيىمداستىرادى.
داستان كەنجالين،
استانا
