Kóshpendiler oıyndary: Qazaq kúresi elimizdiń júldelerin eseledi

Osy kúnderi Qyrǵyz Respýblıkasynyń  Cholpon-Ata qalasynda ótip jatqan III Dúnıejúzilik kóshpendiler oıyndary aldynda Dúnıejúzilik Qazaq kúresi federaııasy tóreshilerge semınar uıymdastyryp, jarysty ótkizetin  jaýapty top múshelerin saılaǵan edi.  Jaýapty syn aldyndaǵy semınar keńeske qatysqan  federaııanyń birinshi vıe-prezıdenti Serik Adamuly Túkeev pen UWW-diń (Birikken Kúres Qaýymdastyǵynyń) tehnıkalyq dırektory Onýr Shımshek myrzalar, aıyr qalpaqty aǵaıyndardyń  elinde ótkeli otyrǵan III Dúnıejúzilik kóshpendiler oıyndarynyń baǵdarlamasyna engen qazaq kúresiniń elimiz úshin alar orny erekshe ekendigine  toqtalyp, ádil tórelik etýge asa nazar aýdarǵan bolatyn.

Sondaı-aq, semınardy júrgizgen Azııa qurlyǵy Qazaq kúresi federaııasynyń  bas hatshysy Rafael Habırov  tól kúresimizden tehnıkalyq is-shara qoıylymdary, onyń ádis-tásilderi, qazaq kúresiniń kıimi men tarıhy týraly beınebaıan kórsetip, ulttyq kúresimizdiń erejeleriniń ózekti máselelerin talqylap, pikir alysqan edi. Sol semınarda  jarystyń bas tóreshisi  bolyp UWW-diń (Birikken Kúres Qaýymdastyǵynyń)  bas úılestirýshisi  Nıderlandydan kelgen halyqaralyq deńgeıdegi tóreshi Edmar Abdýllaev taǵaıyndalsa, bas hatshy qyzmetine Belarýs memleketiniń ókili Aleksandr Sharaev bekitildi.  Jarysta Reseı, О́zbekstan, Qyrǵyz Respýblıkasy, Germanııa, Nıderlandy, Belarýs elderiniń halyqaralyq dárejedegi tóreshileri qyzmet etetin bolyp sheshildi. Tóreshiler arasynda Londonda ótken XXX jazǵy Olımpıda oıyndarynyń erkin kúresten áıelder arasyndaǵy qola júldegeri, halyqaralyq deńgeıdegi tóreshi Iýlııa Radkevıch da bar. Munyń bárin tizip aıtyp otyrǵanymyz, qandaı jarys bolmasyn bilikti mamandar quramasy jasaqtalynyp alynǵanda ǵana jarystyń jaqsy ótetini belgili. Asqan jaýapkershlikpen bilek túre kirisken jumys árkezde jemisin beredi.

Osy kúnge deıin Dúnıejúzilik Qazaq kúresi federaııasy men  (UWW) Birikken Kúres Qaýymdastyǵy birigip uıymdastyrǵan árbir alaman jekpe-jekter ulttyq kúresimizdi bıik belesterge shyǵaryp keledi.  Árıne, qazaq kúresiniń alar asýlary áli alda dep bilemiz, degenimen de búgingi tańǵa deıin ata kúresimizden 7 Álem, 11Azııa, 3 Álem kýboktary men Gran –prı jarystarynyń ótkizilip kelýine Islam Álmaqanuly Ábishev pen Serik Adambolsynuly Túkeev sekildi ulttyq kúresimizdiń janashyrlary atsalysyp jatqanyn umytpaı, eske alyp otyrǵanymyz abzal.  Iá, el bolǵan soń ártúrli pikirler bolady. Qazaq kúresi Azııa oıyndaryna nege kirmeı júr degen synaı aıtqan pikirler de kezdesip jatady. Al, sol joǵaryda aıtyp ótken qazaq kúresine basynan baqaıshyǵyna deıin jany ashıtyn janashyr qos azmattyń tynymsyz tabandy jumystarynyń nátıjesinde ulttyq kúresimiz Ashǵabadta jabyq keshende ótken  Azııa oıyndarynyń  baǵdarlamasyna kirip, úsh salmaqta úsh balýanymyz eki altyn bir qola júldeli bolyp qaıtqanymyzdy qalaı ǵana umytamyz. «Bardy bar, joqty joq», dep aıtýǵa árıne, mindettimiz. Qazaq kúresi Azııa jabyq keshendi Azııa oıyndarynyń baǵdarlamasyna engeni týraly súıinshilep te aıtqan bolatynbyz. Dúnıejúzilik qazaq kúresi federaııasynyń kóp jyldar boıy qajyrly jumystary esh eleýsiz qalmasy bir anyq. Al, osy III Dúnıejúzilik kóshpendiler oıyndarynda tól kúresimizdiń tolaǵaı tabysty qadamy jyldar boıy júıeli júrgizip kele jatqan jumystyń taǵy bir jemisi dep bilemiz.

Hosh, sonymen úsh  salmaq 70 kg, 90 kg, + 90kg dárejesi boıynsha  Cholpan-Atada   ótken qazaq kúresinen baıraqty syndarǵa kelsek. Úshinshi Dúnıejúzilik kóshpendiler oıyndaryna 82 memleketten sportshylar shaqyrylsa, qazaq kúresine álemniń  22 elinen 50 balýan jeńis úshin   bozkilemge shyqty. Qyrkúıektiń 4 kúni ótken alaman jekpe-jekterdiń qorytyndysy boıynsha fınalda topjaryp, jeńis tuǵyryna kóterilgenderdiń esimderi de anyq bolǵan edi.

Sonymen 70 kg salmaqta bas júldeni qyrǵyz balýany Merlan Eralıevtiń jaýyryn jerge aýnatqan  Ábilqaıyr Maýlenın jeńip aldy. Al, osy salmaqta qol júldeler túrikmenstandyq Mýhammed Gýrbanov  pen reseılik VladımırJdanovtarǵa tapsyryldy. 90 kg salmaqta jerlesimiz Ersultan Muzapparov ózbek balýany Sarvar Ikromovty jeńip, Qazaqstan quramasynyń qorjynyna  qazaq kúresinen ekinshi altyn medaldi jeńip áperdi. Bul salmaqta úshinshi oryn eston balýany Aleksandr Marmelıýk  men reseılik Andreı Gýsarovterge buıyrdy. Atan jilikti 90 kılodan asa salmaqta ótken fınalda reseılik  Dmıtrıı Balıanovty alyp urǵan mońǵol balýany Serik Berdimuratov altyn júldeni jeńip alyp ketti. Qola medaldar qazaqstandyq balýan Nurdáýlet Jarlyǵapov pen reseılik Roman Bobıkovtyń moıyndaryna taǵyldy.

Osylaısha, Qyrǵyz elinde ótip jatqan  III Dúnıejúzilik kóshpendiler oıyndarynda qazaq kúresiniń balýandary 2 altyn 1 qola medaldi alyp, Qazaqstan quramysynyń júlde jıyntyǵyndaǵy  jaǵdaıyn jaqsartýǵa úlken úlesin qosty. Sonymen Qazaqstan quramasy qazaq kúresiniń balýandary jeńip ápergen altyn, qola medaldardyń nátıjesinde Qyrǵyzstan men Reseıden keıin úzdik úshtikte keledi.

Aqyn ORDABAIULY,

ALMATY