Gorky Tennis Park — Roland-Garros-تىڭ رەسمي كلۋبى

Gorky Tennis Park ەڭ بەدەلدى تەننيس تۋرنيرلەرىنىڭ ءبىرى — Roland-Garros رەسمي كلۋبى مارتەبەسىن الدى. ءسويتىپ، ول الەمدەگى ءۇش كلۋبتىڭ ءبىرى اتاندى.  ارىپتەستىك فرانتسيا تەننيس فەدەراتسياسى مەن Gorky Tennis Park اراسىندا رەسمي كەلىسىممەن بەكىتىلدى، دەپ حابارلادى قازاقستان تەننيس فەدەراتسياسى.

ءبىز تاريحي ساتكە قول جەتكىزىپ، قازاقستان اۋماعىندا ۇلكەن برەندتىڭ اتىنان وكىلدىك ەتەتىنىمىزگە وتە قۋانىشتىمىز. ويتكەنى ءبىزدىڭ شەشۋشى مىندەتىمىز – ەلدە تەننيستى كەمەلىنە كەلتىرە دامىتۋ. ەندى ءبىزدىڭ بالالارىمىز بەن تەننيس جانكۇيەرلەرى Rolland-Garros اتموسفەراسى، مادەنيەتى، داستۇرلەرىمەن تانىسىپ، جاقسى جاعدايدا جاتتىعا الادى، — دەپ اتاپ ءوتتى Gorky Tennis Park باس ديرەكتورى ارداق ابيجانوۆ.

بۇدان بىلاي Gorky Tennis Park ءتورت «ۇلكەن دۋلىعا» ءتۋرنيرىنىڭ ءبىرى – فرانتسيا اشىق چەمپيوناتىن ۇيىمداستىرۋ مەن وتكىزۋگە بايلانىستى قۇرىلىمنىڭ بولىگىنە اينالادى. الەمدەگى ەڭ بەدەلدى تەننيس تۋرنيرلەرىنىڭ بىرىمەن بايلانىسى ارقاسىندا Roland-Garros رەسمي كلۋبىنىڭ مارتەبەسى قازاقستاندىق كلۋبتى الەمدىك تەننيس قاۋىمداستىعىندا مويىنداتادى.

ارىپتەستىك اياسىندا Gorky Tennis Park ورتالىق جانە باتىس ازيا ەلدەرى ءۇشىن Roland-Garros Junior Series by Renault ىرىكتەۋ كەزەڭىن وتكىزۋ قۇقىعىنا يە بولدى. بوزبالالار مەن قىزدار اراسىندا جەڭىمپازدار، سونداي-اق فيناليستەر بيىل توكيودا 13-19 قازاندا بولاتىن فينالدىق كەزەڭگە قاتىسادى. وندا ازيانىڭ مىقتى جاسوسپىرىمدەرى باس قوسادى.

فرانتسيا تەننيس فەدەراتسياسى Roland-Garros تالاپتارىنا ساي كەلەتىن توپىراق توسەنىشىندەگى ساپالى كورتتارى بار Gorky Tennis Park كلۋبىمەن ىنتىماقتاستىقتى ماقتان ەتەدى.  قازاقستانداعى Roland-Garros بىرەگەي كلۋبى رەتىندە Gorky Tennis Park ايماقتا تەننيس ءۇشىن جاڭا ستاندارت ورناتادى. ءبىز 2024 جىلدان كلۋبتىڭ ورتالىق جانە باتىس ازيا ەلدەرى ءۇشىن  Roland-Garros Junior Series by Renault ىرىكتەۋ ءتۋرنيرىن وتكىزە باستاعانىنا ەرەكشە ريزامىز. بۇل —  توپىراق توسەنىشىندەگى چەمپيونداردىڭ جاڭا بۋىنىن تاربيەلەۋدەگى ماڭىزدى قادام، — دەدى Roland-Garros حالىقارالىق باعىتىنىڭ باسشىسى ايمەريك لاباست.

ازيا تەننيس فەدەراتسياسىنىڭ پرەزيدەنتى يۋري پولسكيدىڭ ايتۋىنشا، ازيا تەننيس فەدەراتسياسى الماتى قالاسىنداعى Gorky Park  تەننيس ورتالىعىنىڭ Roland-Garros رەسمي كلۋبى رەتىندە مويىندالعانىنا رازى.

بۇل – ازيا تاريحىندا قىتايدىڭ Roland-Garros Club Hainan كلۋبىنان كەيىنگى ەكىنشى وقيعا. كلۋبتىڭ ءوز جۇمىس دەڭگەيى مەن تەننيس ينفراقۇرىلىمىنىڭ ساپاسى ءۇشىن وسىنشا جوعارى باعا العانى  قۋانىشتى. ءبىز Gorky Tennis Park تەك قازاقستان عانا ەمەس، ازياداعى ەڭ جارقىن جانە تانىمال تەننيس كلۋبتارىنىڭ بىرىنە اينالارىنا سەنىمدىمىز، — دەدى Gorky Tennis Park ورتالىعىنىڭ Roland-Garros رەسمي كلۋبى رەتىندە مويىندالۋى – قازاقستان تەننيس فەدەراتسياسىنىڭ كوپ جىلعى قولداۋىنىڭ ناتيجەسى.  فەدەراتسيا باپكەرلەردى دايىنداۋعا، ويىنشىلاردى قولداۋعا جانە كلۋبتىق جۇمىس پەن ينفراقۇرىلىم تالاپتارىن كوتەرۋگە  ماقساتتى تۇردە ءارى ۇنەمى قارجى سالىپ كەلەدى، — دەدى ول.

سوڭعى كەزدە تەننيس فەدەراتسياسىنىڭ پرەزيدەنتى بولات وتەمۇراتوۆتىڭ قارجىلاي قولداۋىمەن Gorky Tennis Park كاسىبي اكادەميانى ىسكە قوسىپ، ينفراقۇرىلىمدى كۇردەلى جوندەپ، حالىقارالىق تالاپتارعا سايكەس كورت جابىندارىن جاڭارتىپ، ورتالىقتى تولىقتاي قايتا جوندەۋدەن وتكىزدى.