SportPress.kz Qazaqstan sport jańalyqtary
Gorky Tennis Park eń bedeldi tennıs týrnırleriniń biri — Roland-Garros resmı klýby mártebesin aldy. Sóıtip, ol álemdegi úsh klýbtyń biri atandy. Áriptestik Franııa tennıs federaııasy men Gorky Tennis Park arasynda resmı kelisimmen bekitildi, dep habarlady Qazaqstan tennıs federaııasy.
Biz tarıhı sátke qol jetkizip, Qazaqstan aýmaǵynda úlken brendtiń atynan ókildik etetinimizge óte qýanyshtymyz. О́ıtkeni bizdiń sheshýshi mindetimiz – elde tennısti kemeline keltire damytý. Endi bizdiń balalarymyz ben tennıs jankúıerleri Rolland-Garros atmosferasy, mádenıeti, dástúrlerimen tanysyp, jaqsy jaǵdaıda jattyǵa alady, — dep atap ótti Gorky Tennis Park bas dırektory Ardaq Abıjanov.
Budan bylaı Gorky Tennis Park tórt «Úlken dýlyǵa» týrnıriniń biri – Franııa ashyq chempıonatyn uıymdastyrý men ótkizýge baılanysty qurylymnyń bóligine aınalady. Álemdegi eń bedeldi tennıs týrnırleriniń birimen baılanysy arqasynda Roland-Garros resmı klýbynyń mártebesi qazaqstandyq klýbty álemdik tennıs qaýymdastyǵynda moıyndatady.
Áriptestik aıasynda Gorky Tennis Park Ortalyq jáne Batys Azııa elderi úshin Roland-Garros Junior Series by Renault irikteý kezeńin ótkizý quqyǵyna ıe boldy. Bozbalalar men qyzdar arasynda jeńimpazdar, sondaı-aq fınalıster bıyl Tokıoda 13-19 qazanda bolatyn fınaldyq kezeńge qatysady. Onda Azııanyń myqty jasóspirimderi bas qosady.
Franııa tennıs federaııasy Roland-Garros talaptaryna saı keletin topyraq tósenishindegi sapaly korttary bar Gorky Tennis Park klýbymen yntymaqtastyqty maqtan etedi. Qazaqstandaǵy Roland-Garros biregeı klýby retinde Gorky Tennis Park aımaqta tennıs úshin jańa standart ornatady. Biz 2024 jyldan klýbtyń Ortalyq jáne Batys Azııa elderi úshin Roland-Garros Junior Series by Renault irikteý týrnırin ótkize bastaǵanyna erekshe rızamyz. Bul — topyraq tósenishindegi chempıondardyń jańa býynyn tárbıeleýdegi mańyzdy qadam, — dedi Roland-Garros halyqaralyq baǵytynyń basshysy Aımerık Labast.
Azııa tennıs federaııasynyń prezıdenti Iýrıı Polskııdiń aıtýynsha, Azııa tennıs federaııasy Almaty qalasyndaǵy Gorky Park tennıs ortalyǵynyń Roland-Garros resmı klýby retinde moıyndalǵanyna razy.
Bul – Azııa tarıhynda Qytaıdyń Roland-Garros Club Hainan klýbynan keıingi ekinshi oqıǵa. Klýbtyń óz jumys deńgeıi men tennıs ınfraqurylymynyń sapasy úshin osynsha joǵary baǵa alǵany qýanyshty. Biz Gorky Tennis Park tek Qazaqstan ǵana emes, Azııadaǵy eń jarqyn jáne tanymal tennıs klýbtarynyń birine aınalaryna senimdimiz, — dedi Gorky Tennis Park ortalyǵynyń Roland-Garros resmı klýby retinde moıyndalýy – Qazaqstan tennıs federaııasynyń kóp jylǵy qoldaýynyń nátıjesi. Federaııa bapkerlerdi daıyndaýǵa, oıynshylardy qoldaýǵa jáne klýbtyq jumys pen ınfraqurylym talaptaryn kóterýge maqsatty túrde ári únemi qarjy salyp keledi, — dedi ol.
Sońǵy kezde tennıs federaııasynyń prezıdenti Bolat О́temuratovtyń qarjylaı qoldaýymen Gorky Tennis Park kásibı akademııany iske qosyp, ınfraqurylymdy kúrdeli jóndep, halyqaralyq talaptarǵa sáıkes kort jabyndaryn jańartyp, ortalyqty tolyqtaı qaıta jóndeýden ótkizdi.
