« ۇلى جىبەك جولىنىڭ جاڭعىرۋى» حالىقارالىق كورمەسى

الماتىداعى «اتاكەنت» ىسكەرلىك ورتالىعىنداعى «باقشاراسايدا» « ۇلى جىبەك جولىنىڭ جاڭعىرۋى» حالىقارالىق كورمەسى ءوتتى. ءوندىرىستىڭ بارلىق سالاسىن قامتيتىن جانە ىسكەرلىك ورتا وكىلدەرىنىڭ ىنتىماقتاستىعىن نىعايتۋعا باعىتتالعان بۇل شاراعا جىبەك جولى بويىنداعى مەملەكەتتەردىڭ بارلىعى دەرلىك قاتىستى. ول الداعى ۋاقىتتا ءداستۇرلى تۇردە ءار ەلدە ءوز جالعاسىن تاپپاق.

ەۋرازيا ەلدەرىنىڭ مادەني، تاريحي، قولونەر جانە  تۋريستىك الەۋەتىن بىرىكتىرۋگە ارنالعان بۇل شارانى ەلىمىزدە قازاقستاننىڭ  تۋريزم يندۋسترياسى ۇلتتىق قاۋىمداستىعى «حالال» ەۋرازيالىق ستاندارتتاۋ جانە سەرتيفيكاتتار ورتالىعىمەن بىرلەسىپ ۇيىمداستىرىپ وتىر. وندا كورمە قاتىسۋشىلارى مەن قوناقتارى ۇلى جىبەك جولىنىڭ اتموسفەراسىن سەزىنىپ،  ءاربىر ەلدىڭ ۇلتتىق داستۇرلەرىن، قولونەرىن، اسحاناسىن جانە تۋريزم مەن مادەنيەتتەگى زامانۋي جەتىستىكتەرىن پاگ ەتتى.

كورمە كەزىندە وننان استام ەل وزدەرىنىڭ قولونەر،  كادەسىي، سۋرەت كورمەلەرىن ۇسىنىپ،  قولونەرشىلەرىنىڭ شەبەرلىك دارىستەرىن كورسەتەتىن  ۇلتتىق پاۆيلوندارىن ۇسىنادى.  ونەرپازدار شوۋ-باعدارلامارىن، ديزاينەرلەر « ۇلى جىبەك جولى ءسان الەمى» دەفيلە-باعدارلامالارىن، ال ىسكەرلىك الەم وكىلدەرى  B2B جانە  B2C ۇلگىسىندەگى شارالارىن جاسادى.

كورمەنىڭ رەسمي اشىلۋىنا قازاقستانداعى حالىقارالىق جانە شەتەلدىك ديپلوماتيالىق وكىلدىكتەردەن ەلشىلەر، كونسۋلدار، قۇزىرلى مەملەكەتتىك ورگانداردىڭ جانە سالالىق قاۋىمداستىقتاردان جەتەكشىلەرى قاتىستى.

قازاقستاننىڭ تۋريزم يندۋسترياسى ۇلتتىق قاۋىمداستىعى 2012 جىلى قۇرىلعان. «اتامەكەن» ۇلتتىق كاسىپكەرلەر پالاتاسىندا اككرەديتاتسيادان وتكەن قوعامدىق بىرلەستىك. تۋريزم سالاسىنداعى وتاندىق ۇيىمداردىڭ جانە تۋريستىك قىزمەت كورسەتۋ سالاسىنداعى وندىرىسشىلەردىڭ باسىن بىرىكتىركەتىن ۇيىم قازاقستاندا عانا ەمەس، شەت ەلدەردە وتەتىن ءتۇرلى ىسكەرلىك جيىندار، كەزدەسۋلەر، كورمەلەردىڭ ۇيىمداستىرۋشىسى رەتىندە ءوزىن ىسكەرلىك الەمدە تانىتقان. ونىڭ جارقىن مىسالى «بەيجىڭ-پاريج» ءاۆتورالليىن ۇيىمداستىرۋشىلاردىڭ   قازاقستاننىڭ تۋريزم يندۋسترياسى ۇلتتىق قاۋىمداستىعىن تۇراقتى سەرىكتەس رەتىندە تانىپ، كەلىسىمشارت جاسالدى.

سالتانات قاجىكەن

الماتى