Memleket basshysy Gennadıı Golovkındi I dárejeli «Barys» ordenimen marapattady

Qasym-Jomart Toqaev Gennadıı Golovkındi World Boxing halyqaralyq federaııasynyń prezıdenti bolyp saılanýymen quttyqtady. Bul sheshimdi dańqty sportshynyń álemdik boksty damytýǵa qosqan úlesiniń, kásibıligi men minsiz abyroı-bedeliniń moıyndalǵany dep baǵalady. Bul týraly Aqorda habarlady.

– Siz álemdik sporttyń damýyna zor úles qostyńyz. Qazaq boks mektebiniń baı dástúrin laıyqty deńgeıde tanytyp, dúnıe júziniń elimizdi boks derjavasy retinde moıyndaýyna yqpal ettińiz. О́mir jolyńyz kóptegen jarqyn jeńiske toly. Oǵan kúsh-qýat, rýh, tabandylyq, ishki tártip sekildi qasıetterińiz arqyly jettińiz. Bul elimizde ǵana emes, shet memleketterdegi mıllıondaǵan jastyń jigerin janıdy. Esimińiz álemdik boks tarıhyna altyn árippen jazylǵanyna esh kúmán joq, – dedi prezıdent.

Memleket basshysy tanymal sportshynyń Ulttyq Olımpııalyq komıtetindegi qyzmetine jaqsy baǵa berdi.

– Sizdiń basqarý salasyndaǵy jetistikterińizdi aıryqsha atap ótkim keledi. Sporttaǵy eńbegińizdi eskere otyryp, Sizdi Ulttyq Olımpııalyq komıteti prezıdenttigine úmitker retinde usyndym. Ulttyq sport federaııalarynyń barlyǵymen baılanys ornatyp, az ýaqytta kóp is tyndyrǵanyńyz úshin rızashylyǵymyzdy bildiremiz. Halyqaralyq Olımpııalyq komıtetimen yntymaqtastyqty jolǵa qoıdyńyz, – dedi memleket basshysy.

Qasym-Jomart Toqaev Gennadıı Golovkınge World Boxing halyqaralyq federaııasynyń prezıdenti retinde kóptegen máseleniń sheshimin tabýy qajet ekenin aıtty.

– Búginde sporttyq mansabyńyzdaǵy jańa kezeńge aıaq bastyńyz. World Boxing federaııasynyń prezıdenti bolyp saılandyńyz. Jumys endi ǵana bastaldy. Aldyńyzda atqaratyn qyrýar sharýa tur. Sondaı-aq sizdiń jahandyq deńgeıdegi sporttyq qurylymdy basqaryp otyrǵan alǵashqy qazaqstandyq ekenińizdi aıta ketý kerek. Kásibı biliktiligińiz uıymdy jańa beleske kóterip, boks kókjıegin keńeıtetinine senimdimin, – dedi prezıdent.

Memleket basshysy otandyq sportty damytýǵa sińirgen eleýli eńbegi úshin Gennadıı Golovkındi I dárejeli «Barys» ordenimen marapattady.

Gennadıı Golovkın eńbegin joǵary baǵalaǵany, senim artyp, qoldaý kórsetkeni úshin Prezıdent Qasym-Jomart Toqaevqa alǵys aıtty. Sondaı-aq boksty odan ári damytýǵa, osy sport túriniń elimizdegi jáne halyqaralyq deńgeıdegi bedelin nyǵaıtýǵa daıyn ekenin jetkizdi.