17 جاستاعى شاحمۇرات داۋلەتوۆ بەلگيا كلۋبىمەن كەلىسىمشارت جاساستى

17 جاستاعى شاحمۇرات داۋلەتوۆ بەلگيانىڭ «گەنك» كلۋبىمەن كاسىبي كەلىسىمشارتقا قول قويدى.

«گەنك» كلۋبىنىڭ Instagram-داعى پاراقشاسىندا جاس فۋتبولشىنىڭ قولىنا «يونگ گەنك» كومانداسىنىڭ جەيدەسىن ۇستاپ تۇسكەن فوتوسۋرەتى جاريالانعان. بۇل كلۋب — «گەنك» كومانداسىنىڭ جاستار جاساعى.

«ەڭبەك ەشقاشان زايا كەتپەيدى! شاحمۇرات داۋلەتوۆ ءوزىنىڭ العاشقى كاسىبي كەلىسىمشارتىنا قول قويدى»، دەلىنگەن حابارلامادا.

كەلىسىمشارت 2029 جىلدىڭ جازىنا دەيىن ەسەپتەلگەن.

بۇعان دەيىن شاحمۇرات داۋلەتوۆ «گەنكتىڭ» 18 جاسقا دەيىنگى جاستار كومانداسىندا ويناعان. ول U-18 قۇرامىندا 24 ماتچ ويناپ، توعىز گول سوققان.

بەلگيا كلۋبىنىڭ وكىلدەرى فۋتبولشىنىڭ اكادەمياعا ەكى جىل بۇرىن قوسىلعانىن، ال ەندى ول كوماندامەن كەلىسىمشارتىن 2029 جىلدىڭ جازىنا دەيىن ۇزارتقانىن اتاپ ءوتتى.

قازاق فۋتبولشىسى 2024 جىلى «گەنك» كومانداسىنىڭ قۇرامىنا قوسىلعان. جاقىندا ول نەگىزگى كوماندا ساپىندا نيدەرلاندىنىڭ «فورتۋنا» جاساعىمەن جولداستىق ماتچتا ويناعان.

بۇل ويىندا بەلگيالىق كلۋب 1:2 ەسەبىمەن جەڭىلىپ قالدى. شاحمۇرات داۋلەتوۆ الاڭعا 87-مينۋتتا شىقتى.

«گەنك» — بەلگيانىڭ ءتورت دۇركىن چەمپيونى.

ۇلتتىق قۇراما شابۋىلشىسى داستان ساتپاەۆ جاراقاتىنا بايلانىستى ۇزىلىستەن كەيىن «بەرنلي» كلۋبىنىڭ بازاسىنا ورالدى.

داستان كەنجالين،

استانا