SportPress.kz Qazaqstan sport jańalyqtary
17 jastaǵy Shahmurat Dáýletov Belgııanyń «Genk» klýbymen kásibı kelisimshartqa qol qoıdy.
«Genk» klýbynyń Instagram-daǵy paraqshasynda jas fýtbolshynyń qolyna «Iong Genk» komandasynyń jeıdesin ustap túsken fotosýreti jarııalanǵan. Bul klýb — «Genk» komandasynyń jastar jasaǵy.
«Eńbek eshqashan zaıa ketpeıdi! Shahmurat Dáýletov óziniń alǵashqy kásibı kelisimshartyna qol qoıdy», delingen habarlamada.
Kelisimshart 2029 jyldyń jazyna deıin eseptelgen.
Buǵan deıin Shahmurat Dáýletov «Genktiń» 18 jasqa deıingi jastar komandasynda oınaǵan. Ol U-18 quramynda 24 match oınap, toǵyz gol soqqan.
Belgııa klýbynyń ókilderi fýtbolshynyń akademııaǵa eki jyl buryn qosylǵanyn, al endi ol komandamen kelisimshartyn 2029 jyldyń jazyna deıin uzartqanyn atap ótti.
Qazaq fýtbolshysy 2024 jyly «Genk» komandasynyń quramyna qosylǵan. Jaqynda ol negizgi komanda sapynda Nıderlandynyń «Fortýna» jasaǵymen joldastyq matchta oınaǵan.
Bul oıynda belgııalyq klýb 1:2 esebimen jeńilip qaldy. Shahmurat Dáýletov alańǵa 87-mınýtta shyqty.
«Genk» — Belgııanyń tórt dúrkin chempıony.
Ulttyq qurama shabýylshysy Dastan Sátpaev jaraqatyna baılanysty úzilisten keıin «Bernlı» klýbynyń bazasyna oraldy.
Dastan KENJALIN,
ASTANA
