پاراتاەكۆوندوشىلار پاريجدە قۇرمەت تۇعىرىنان كورىندى

فرانتسيانىڭ پاريج قالاسىندا پارا تاەكۆوندودان تىرەك-قيمىل اپپاراتى زاقىمدانعان سپورتشىلار اراسىندا وتكەن Paris 2026 World Para Taekwondo Grand Prix Series تۋرنيرىندە نۇرلان دومباەۆ جەڭىمپاز اتانسا، جانبولات قازيەۆ قولا جۇلدەگە يە بولدى، دەپ حابارلايدى Egemen.kz.

نۇرلان دومباەۆ 80 كەلىگە دەيىنگى سالماق دارەجەسىندە سىنعا ءتۇس ءىپ، جارىستى ەكىنشى اينالىمنان باستادى. ول العاشقى جەكپە-جەكتە ۇلىبريتانيا سپورتشىسى دجوزەف لەيندى 2:0 ەسەبىمەن جەڭىپ، جارتىلاي فينالعا جولداما الدى. ءدال وسى سالماق دارەجەسىندە جانبولات كازيەۆ ماروككو سپورتشىسى راشيد يسمايل الاۋي پەن برازيالىق كلارو لوپەس دە وليۆەيرانى جەڭدى.

جارتىلاي فينالدا نۇرلان دومباەۆ پەن جانبولات قازيەۆ ءبىر-بىرىمەن جەكپە-جەككە شىقتى. وندا نۇرلان دومباەۆ جەڭىسكە جەتتى.

فينالدا ول برازيليا سپورتشىسى كلارو لوپەس دە وليۆەيرانى 2:0 ەسەبىمەن باسىم ءتۇسىپ، دايانگ چەمپيونى اتاندى.

وسىلايشا، قازاقستان قۇراماسى پاريجدەگى حالىقارالىق دودادا ءبىر التىن جانە ءبىر قولا مەدال جەڭىپ الدى.

پارا تاەكۆوندودان گران-پري تۋرنيرىنە 18 ەلدەن 120-عا جۋىق سپورتشى قاتىستى. ال جاقىن ارادا، ياعني 18-24 قازان ارالىعىندا جاپونيانىڭ ايچي پرەفەكتۋراسى مەن ناگويا قالاسىندا تىرەك-قيمىل اپپاراتى، كورۋ قابىلەتى زاقىمدانعان جانە زياتكەرلىك دامۋ ەرەكشەلىكتەرى بار سپورتشىلار اراسىندا V ازيا پارا ويىندارى وتەدى.

داستان كەنجالين،

استانا