SportPress.kz Qazaqstan sport jańalyqtary
24 qazan men 1 qarasha aralyǵynda Astanadaǵy «Barys Arena» sport kesheninde grek-rım, erkin jáne áıelder kúresinen eresekter arasyndaǵy álem chempıonaty ótedi. Jyldyń basty dodalarynyń birine 135 elden 900-den astam sportshy qatysady, dep habarlady Qazaqstan kúres federaııasynyń baspasóz qyzmeti.
Toǵyz kúnge sozylatyn jarysta kúrestiń úsh túri boıynsha 30 salmaq dárejesiniń chempıondary anyqtalady. Astana bozkileminde Olımpıada jáne álem chempıondary, halyqaralyq reıtıngtegi kóshbasshylar men ulttyq quramalardyń úzdik balýandary bas qosady. Sondyqtan bıylǵy chempıonat tek balýandar sany jaǵynan ǵana emes, sportshylar quramynyń deńgeıi boıynsha da erekshe bolady.
«Grek-rım kúresinde kórermenniń nazary birneshe salmaqqa aýady. 97 kelide Parıj Olımpıadasynyń chempıony, álem chempıony Mohammadhadı Saravı synǵa túsedi. Aýyr salmaqta Olımpıada jáne álem chempıonattarynyń birneshe dúrkin júldegeri Ryza Kaıaalp ta Astana bozkilemine shyǵady. Bul sanattarda álemdik kúrestiń tájirıbeli kóshbasshylary men jańa býyn ókilderi kilemge shyǵady dep josparlanyp otyr.
Erkin kúrestegi eń úlken qyzyǵýshylyqtyń biri 97 keli salmaqqa baılanysty bolady dep kútilýde. Bul salmaqta Kaıl Snaıder, Abdýlrashıd Sadýlaev, Ahmed Tajýdınov pen Hasan Iazdanı beldesedi. Osy tórt balýannyń enshisinde Olımpıadanyń bes altyn júldesi men 14 álem chempıony ataǵy bar. Sondyqtan 97 kelidegi báseke bıylǵy chempıonattyń basty tartystarynyń birine aınalýy múmkin», delingen habarlamada.
Áıelder kúresinde de álemdik deńgeıdegi myqty quram jınalady. 200-den astam sportshynyń arasynda qazirgi álem chempıondary men iri halyqaralyq jarystardyń júldegerleri bar. Bul baǵytta da birneshe salmaqta chempıondyq ataq úshin tartysty kúres bolady.
Qazaqstan quramasy óz jerindegi álem chempıonatyna tolyq qurammen qatysady. El namysyn sońǵy jyldary halyqaralyq arenada turaqty nátıje kórsetip júrgen balýandar qorǵaıdy. Olardyń qatarynda álem chempıondary ári júldegerleri Rızabek Aıtmuqan, Nurqoja Qaıpanov, Jámıla Baqbergenova men basqa da tájirıbeli balýandar bar.
Grek-rım kúresi
55 kg – Ishar Kýrbaev
60 kg – Aıdos Sultanǵalı
63 kg – Meırambek Aınaǵulov
67 kg – Baǵdat Sabaz
72 kg – Almatbek Amanbek
77 kg – Mereı Máýlitqanov
82 kg – Ibragım Magomadov
87 kg – Nursultan Tursynov
97 kg – Islam Evloev
130 kg – Oljas Syrlybaı
Erkin kúres
57 kg – Meırambek Qartbaı
61 kg – Asyl Aıtaqyn
65 kg – Dastanbek О́simjan
70 kg – Sanjar Dosjanov
74 kg – Nurqoja Qaıpanov
79 kg – Shamsat Taır
86 kg – Bolat Saqaev
92 kg – Azamat Dáýletbekov
97 kg – Rızabek Aıtmuqan
125 kg – Edige Qasymbek
Áıelder kúresi
50 kg – Zeınep Baıanova
53 kg – Aınur Ashımova
55 kg – Laýra Almaǵambetova
57 kg – Altyn Shaǵaeva
59 kg – Nılýfar Raımova
62 kg – Irına Kýznetova
65 kg – Beıbit Seıdýaly
68 kg – Irına Kazıýlına
72 kg – Jámıla Baqbergenova
76 kg – Gúlmaral Erkebaeva
Álem chempıonaty erteń, 24 qazanda saǵat 17:30-de Astanadaǵy «Barys Arena» sport kesheninde bastalady.
Búgin saǵat 16:30-da «Barys Arenanyń» altynshy qabatyndaǵy konferen-zalda eresekter arasyndaǵy kúresten álem chempıonatyna arnalǵan resmı baspasóz máslıhaty ótedi.
Álem chempıonatynyń baǵdarlamasy
