• Қазақ
  •   
  • Qazaq
  •   
  • قازاق
  •   
  • Рус
  •   
    قازاق كۇرەسى فەدەراتسياسى

    قازاق كۇرەسىن ازيا ويىندارىنىڭ باعدارلاماسىنا ەنگىزۋ ۇسىنىلدى – ەربول مىرزابوسىنوۆ

    تۋريزم جانە سپورت ءمينيسترى ەربول مىرزابوسىنوۆ ۇلتتىق سپورت تۇرلەرىنىڭ حالىقارالىق دەڭگەيدە دامۋى تۋرالى ايتتى.

    «قازىرگى تاڭدا ەلىمىزدە 11 ۇلتتىق سپورت ءتۇرى بار. بۇگىندە قازاق كۇرەسى مەن توعىزقۇمالاقتان الەمنىڭ 50-دەن استام ەلىندە فەدەراتسيالار قۇرىلعان.

    جۋىردا قازاقستانعا ازيا وليمپيادا كەڭەسىنىڭ باس حاتشىسى كەلەدى. ءبىز قازاق كۇرەسىن جابىق عيماراتتاعى ازيا ويىندارىنىڭ باعدارلاماسىنا ەنگىزۋ جونىندە ءوتىنىش بەردىك. توعىزقۇمالاق سپورتى دا ەلىمىزدە جانە حالىقارالىق دەڭگەيدە قارقىندى دامىپ كەلەدى. بۇل سپورت تۇرىنەن الەم جانە ازيا چەمپيوناتتارى تۇراقتى تۇردە وتكىزىلىپ ءجۇر. الداعى ۋاقىتتا توعىزقۇمالاقتى دا حالىقارالىق كەشەندى سپورت جارىستارىنىڭ باعدارلاماسىنا ەنگىزۋگە كۇش سالامىز»، – دەدى مينيستر.

    بۇعان دەيىن قازاقستان رەسپۋبليكاسىنىڭ قازاق كۇرەسى فەدەراتسياسىنىڭ تۇڭعىش پرەزيدەنتى، قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى، سپورت شەبەرى، پەداگوگيكا عىلىمدارىنىڭ كانديداتى، پروفەسسور ەرعالي مۋحيددينوۆ قازاق كۇرەسىنىڭ الەمدىك دەڭگەيگە قاشان كوتەرىلەتىنى تۋرالى ماسەلە كوتەرگەن بولاتىن.

     

    داستان كەنجالين،

    استانا

     

    پىكىر جازۋ

    Your email address will not be published. Required fields are marked *

    *