Elge oralǵan qandas baýyrlarǵa ÚNDEÝ

9 maýsym kúni Qazaqstan Respýblıkasy Prezıdenttigine ótetin saılaýdy  ultymyzdyń taǵdyryn sheshetin, elimizdegi turaqtylyqty saqtap, memleketimizdiń baǵyt-baǵdaryn, damý jolyn odan ári jalǵastyrý úshin jasalǵan úlken saıası oqıǵa dep bilemin.

Elimiz Keńes Odaǵynan bólinip shyǵyp, óziniń irge tasyn qalap, egemendigin alǵan soń, Qazaqstannyń Tuńǵysh Prezıdenti – Elbasy Nursultan Ábishuly Nazarbaev kúlli álemge tarydaı shashylǵan qandastarymyzdyń Otanǵa oralýyna Úndeý tastady. Sol kezden bastap shartarapqa  shashylyp ketken aǵaıyn ózenge quıylǵan taraý-taraý bulaqtaı ózderiniń tarıhı Otanyna aǵyla bastady. Búgingi tańda 1 mıllıonnan asa qandasymyz elge oralyp, elimizdiń oqý-aǵartý, áleýmettik-ekonomıkalyq, aýylsharýashylyq, mádenı-rýhanı damýyna óz úlesin qosýda.

Men ózimdi baqytty sezinemin. О́ıtkeni, 1995 jyly QHR Qulja qalasynan Ile-Qazaq avtonomııaly oblysy ákiminiń kómekshisi mindetin atqaryp júrsem de, tarıhı Otanyma oılanbaı, ekilenbeı birden oraldym. Sol kúnnen bastap Qazaqstannyń árbir qadamymen teń taǵdyrlas boldym. Kóz aldymda jas memleket kórkeıip, gúldendi, ekonomıka jan-jaqty damydy. Árıne, bas kezinde til, salt-sanada belgili dárejede qıynshylyqtar boldy. Biraq, «Kóppen kórgen uly toı» demekshi, qandaı qıyndyq bolsa da, bárin jeńe bildik, bári óte shyqty, bári de umyt boldy. Osy ýaqytta Qazaqstan jer-júzine ózin demokratııalyq, zaıyrly, quqyqtyq el retinde tanytty. Al bizdiń balalarymyz birden sińisip ketti. Qazir olar dúnıeniń qaı buryshyna barsa da, keýdelerin kóterip, maqtanysh sezimmen júredi. О́ıtkeni tólqujattarynda «Qazaqstan azamaty» degen ata-babalarymyzdan qalǵan kıeli jerdiń aty jazylǵan.

Memlekettiń taǵdyryn, ultymyzdyń bolashaǵyn oılaıtyn, árbir Qazaqstan azamaty úshin osyndaı úlken saıası dodada maıdan aıqyn bolyp, kózqarasy qyraǵylyqpen óz Prezıdentin tańdaý abzal.

Aǵylshyn jáne qytaı tilderin erkin meńgergen, basshylyq laýazymdarda qyzmet etip, mol tájirıbe jınaǵan, ulttyń qamyn oılaıtyn, elin, jerin súıetin Qasym-Jomart Kemeluly Toqaevtyń kandıdatýrasyn qoldap, Prezıdentke usyný bizdiń barlyq shetelden kelgen qandas baýyrlardyń ortaq talǵamy bolsyn dep Úndeý jarııalaımyn.

Qasym-Jomart Kemeluly Toqaev belgili dıplomat, sarabdal saıasatshy. Máskeý memlekettik halyqaralyq qatynastar ınstıtýtyn, RF Syrtqy ister mınıstrliginiń Dıplomatııalyq akademııasyn bitirgen. Beıjiń lıngvıstıkalyq ınstıtýtynda bir jyldyq taǵlymdamadan ótken. Halyqaralyq dárejedegi dıplomattar A.A. Gromykomen, E.A. Shevardnadzemen qyzmettes boldy. KSRO Syrtqy ister mınıstrliginiń ortalyq apparatynda, KSRO-nyń Sıngapýr men Qytaıdaǵy elshilikterinde qyzmet etti.

Táýelsizdik alǵan soń Qazaqstan Respýblıkasynyń Syrtqy ister mınıstri, QR Premer-Mınıstriniń orynbasary – Syrtqy ister mınıstri, QR Premer-Mınıstri, QR Memlekettik hatshysy – Syrtqy ister mınıstri, BUU Bas hatshysynyń orynbasary, BUU-nyń Jenevadaǵy bólimshesiniń bas dırektory, BUU-nyń qarýsyzdaný jónindegi Jenevadaǵy bas hatshysy qyzmetin atqardy. Ol BUU-nyń Jenevadaǵy bólimshesiniń bas dırektory qyzmetine taǵaıyndalǵan Azııadan shyqqan alǵashqy ókil boldy. 2013 jyly 16 qazanda QR Parlamenti Senatynyń Tóraǵasy bolyp saılandy.

Qurmetti Otandastar!

Kúlli álemde geosaıasat shıelenisip, ulttar men dinder arasyndaǵy qaqtyǵystar tolastamaı otyrǵan iri memleketterdiń kúsh-kórsetip, azdar men álsizderdi jaıpap ótýge daıyn turǵan búgingi tańda elimizde kemeldi de isker, dıplomattyq ǵylymdy tolyq ıgergen Qasym-Jomart Kemeluly Toqaev aǵamyzǵa bir kisideı daýys berýge shaqyramyn.

Serik KENENBAI,

Dúnıejúzilik qazaq kúresi

federaııasynyń vıe-prezıdenti,

qazaq kúresinen Azııa

federaııasynyń prezıdenti,

Qazaqstan-Qytaı Ekonomıkalyq

damý ortalyǵynyń prezıdenti