Qorǵaljynda tegine tartqan tarlandar turady

13-14 mamyr kúnderi Aqmola oblysynyń  Qorǵaljyn aýdanynda alǵash ret «Jiger – 2022» oqýshylar spartakıadasy ótti. 

Oǵan aýdan boıynsha 13 mektepten 446 bala qatysty. Spartakıadada oqýshylar toǵyzqumalaq, fýtbol, dzıýdo, asyq atý, ústel tennısi, prezıdenttik kóp saıys, qyzdar jáne uldar arasyndaǵy voleıbol  sekildi sport túrlerinen baq synasyp, myqty degenderi jeńis tuǵyryna shyqty.

Jarysta tóreshilerdiń sheshimimen birinshi oryndy Qorǵaljyn  mektep-gımnazııasy, ekinshi oryndy Aqtan Tóleýbaev atyndaǵy orta mektebi ıelense, úshinshi oryndy Aryqty orta mektebiniń jastary jeńip aldy.  Marapattaý rásiminde jeńimpaz ben júldegerlerge Qorǵaljyn aýdany ákiminiń orynbasary Daryn Sabyrǵalıuly úsh orynǵa berilgen aqshalaı sertıfıkatty tabys etti.

Al Spartakıadanyń ashylý rásimi ortalyq stadıonda saltanatty jaǵdaıda ótti. Oǵan bokstan 2012 jylǵy Olımpıada chempıony, «Vel Barker» kýbogynyń ıegeri, eki dúrkin álem chempıony (2005, 2007), Azııa oıyndarynyń jeńimpazy (2010) Serik Sápıev, Kazaqstandyq sportshylar odaǵynyń prezıdenti, bokstan jastar arasynda álem birinshiliginiń júldegeri Azamat Qarlyǵashev, osy jarystyń demeýshileriniń biri, Karate kıkýshýnkaı federaııasynyń vıe-prezıdenti, astanadaǵy sport mektebiniń dırektory, Qorǵaljyn aýdanynyń Úshsart aýylynyń týmasy Azamat Imashev, sport janashyry, saıysqa atsalysyp, kómek qolyn sozǵan, Nur-Sultan qalasy sporttyq is-sharalardy ótkizý dırekııasynyń basshysy, Qorǵaljyn aýdany Keńbıdaıyq aýylynyń týmasy Baqtııar Masanov pen basqa da jerles-azamattar qatysty.

Osy jerde Parlament Májilisiniń eks-depýtaty, Qorǵaljyn týmasy, UQK-iń otstavkadaǵy polkovnıgi Faızýlla Qamenov Serik Sápıevke qorǵaljyndyq zııaly jáne sport qaýymynyń atynan saltanatty túrde qarabaıyr tulpar mingizdi. Ataqty boksshyǵa Qorǵaljyn azamattarynyń at mingizgeni tegin emes. О́ıtkeni, Olımpıada chempıonynyń týǵan atasy Daýt osy Qorǵaljyn aımaǵynda týyp-ósken. Qazir ony bireý bilse, bireý bilmeıdi. Sol sebepten biz osy joldardy jazyp, oqyrmanǵa Serik Sápıevtiń shyqqan tegin kórsetýdi jón kórip otyrmyz.

Endi Spartakıada aldaǵy ýaqytta da jalǵasa beredi. Kelesi jyly ol Qorǵaljyn aýdanynyń Janteke aýylynda ótse, 2024 jyly Sabyndy, 2026 jyly Keńbıdaıyq aýyldarynda jalǵasady. Endeshe, jerlesterime bastaǵan isterińiz berekeli bolsyn deı otyryp, Qorǵaljyn aýdanynyń jastarynyń Sápıevteı tegine tartqan ataqty sportshy bolyp,  bıik belesterdi baǵyndyra berýlerine tilektistigimdi bildiremin.

 Ardaq TOǴYMOV, Qajymuqan Muńaıtpasov atyndaǵy mektep-ınternat-kolledj dırektorynyń keńesshisi, sport sarapshysy, Qorǵaljyn aýdany týmasy, Qazaqtyń Sport jáne týrızm akademııasy men «Sport juldyzdary» respýblıkalyq jýrnalynyń uıymdastyrýymen ótken «Jyl úzdigi-2021» konkýrsyndaǵy  «Eń úzdik baspasóz hatshysy» atalymynyń jeńimpazy