اقتاۋدا «كاسپي» كلۋبىن بوپسالاعان ءماسليحات دەپۋتاتى سوتتالدى

اقتاۋدا «كاسپي» كلۋبىن بوپسالاعان ماڭعىستاۋ وبلىسى ءماسليحاتىنىڭ دەپۋتاتى احمەت سالمانوۆ سوتتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا اگەنتتىگىنىڭ ءباسپاسوز قىزمەتى حابارلادى.

ۆەدومستۆونىڭ حابارلاۋىنشا، 25 قاراشادا اقتاۋ قالالىق سوتىنىڭ ۇكىمىمەن ماڭعىستاۋ وبلىسى ءماسليحاتىنىڭ دەپۋتاتى احمەت سالمانوۆ الاياقتىق جاساعانى ءۇشىن كىنالى دەپ تانىلعان.

وعان زاڭسىز جولمەن الىنعان قاراجات سوماسىنان ون ەسە كوپ ايىپپۇل سالىندى.

سونداي-اق ول ءومىر بويى مەملەكەتتىك قىزمەتتە جۇمىس ىستەي المايتىن بولدى.

احمەت سالمانوۆ 2021 جىلدىڭ مامىر ايىنان باستاپ 2022 جىلدىڭ شىلدەسىنە دەيىن الاياقتىق جولمەن «كاسپي» فۋتبول كلۋبىنا جالپى قامقورلىق كورسەتەمىن جانە فۋتبول كلۋبىن قارجىلاندىپۋعا وبلىستىق بيۋدجەتتەن قاراجات بولۋگە جاردەمدەسەمىن دەگەن جەلەۋمەن كلۋب ديرەكتورىنان 766 000 تەڭگە اقشا العان»، — دەلىنگەن حابارلامادا.

وسىلايشا، سوتتالعان ادام 7 ملن 660 مىڭ تەڭگە تولەۋى ءتيىس. ۇكىم زاڭدى كۇشىنە ەندى.

داستان كەنجالين،

استانا