Aqtaýda «Kaspıı» klýbyn bopsalaǵan máslıhat depýtaty sottaldy

Aqtaýda «Kaspıı» klýbyn bopsalaǵan Mańǵystaý oblysy máslıhatynyń depýtaty Ahmet Salmanov sottaldy. Bul týraly Sybaılas jemqorlyqqa qarsy is-qımyl agenttiginiń Mańǵystaý oblysy boıynsha agenttiginiń baspasóz qyzmeti habarlady.

Vedomstvonyń habarlaýynsha, 25 qarashada Aqtaý qalalyq sotynyń úkimimen Mańǵystaý oblysy máslıhatynyń depýtaty Ahmet Salmanov alaıaqtyq jasaǵany úshin kináli dep tanylǵan.

Oǵan zańsyz jolmen alynǵan qarajat somasynan on ese kóp aıyppul salyndy.

Sondaı-aq ol ómir boıy memlekettik qyzmette jumys isteı almaıtyn boldy.

Ahmet Salmanov 2021 jyldyń mamyr aıynan bastap 2022 jyldyń shildesine deıin alaıaqtyq jolmen «Kaspıı» fýtbol klýbyna jalpy qamqorlyq kórsetemin jáne fýtbol klýbyn qarjylandypýǵa oblystyq bıýdjetten qarajat bólýge járdemdesemin degen jeleýmen klýb dırektorynan 766 000 teńge aqsha alǵan», — delingen habarlamada.

Osylaısha, sottalǵan adam 7 mln 660 myń teńge tóleýi tıis. Úkim zańdy kúshine endi.

Dastan KENJALIN,

ASTANA