Peleniń qyzy ákesimen birge aýrýhanada túsken fotosyn kórsetti (VIDEO)

«Fýtbol koroli», XX ǵasyrdyń eń úzdik fýtbolshysy Peleniń úlken qyzy ákesimen birge aýrýhanada túsken fotosýretin jarııalady.

Qazir aty ańyzǵa aınalǵan fýtbolshynyń úlken qyzy Kelı Krıstına Nasımentý aýyr keselmen aýrýhanada jatqan ákesine kútýshi bolyp, janynda júr. Ol ákesi ekeýiniń birge túsken fotosyn áleýmettik jelide taratty.

Biz áli osyndamyz, aýrýdy jeńemiz degen úmitpen kúresip kelemiz. Taǵy bir túnimiz ótti, – dep jazdy Kellı.
Pele ótken jyldan beri toq ishektiń obyry syrqatymen aýyryp júr. Bıylǵy qańtarda oǵan operaııa jasaldy. Keıin onyń jaǵdaıy birtindep nasharlaı berdi. Sondyqtan ol 29 qarashada aýrýhanaǵa jatqyzyldy.

Pele (shyn aty-jóni – Edson Arantıs dý Nasımentý) 1940 jyly 21 qazanda týǵan. 1958 jyly 17 jasynda Brazılııa quramasy sapyndaǵy eń jas oıynshy bolyp, álem chempıony atandy. Ol – álemniń úsh dúrkin (1958, 1962, 1970) chempıony atanǵan jalǵyz fýtbolshy. 1970 jyly Meksıkada ótken chempıonatta úzdik fýtbolshy ataǵyna ıe boldy.

Pele 1966 jyly Roze Marı dos Reıs Sholbıge úılendi. Osy nekeden ómirge Kellı Krıstına (1967), Edson (1970) jáne Jennıfer (1978) ómirge keldi. Biraq 1982 jyly erli-zaıyptylar ajyrasty. Peleniń budan keıingi tańdaýy Assırııa Lemos Seıshas boldy. 1994 jyly qosylǵan bul jup Joshýa jáne Seleste degen egiz balalardyń ata-analary atandy. Alaıda 2008 jyly bulardyń da joldary ekige aıyryldy. Ataqty fýtbolshy 2016 jyly úshinshi márte nekeli bolyp, Marsııa Sıbelı Aokı degen tegi japon brazılııalyq bıznesmen áıelmen taǵdyryn qosty.

Dastan KENJALIN,
ASTANA